Glaw trwm a gwyntoedd yn achosi trafferthion yng Nghymru

Diweddarwyd am  

Glaw

Llun CC0

Mae glaw trwm a gwyntoedd cryfion wedi achosi llifogydd a phroblemau â thrafnidiaeth ledled Cymru.

Bu’n rhaid stopio trenau rhwng Caerfyrddin ac Aberdaugleddau wedi i goeden gwympo ar y cledrau, ac mae tirlithriad wedi achosi trafferthion i drenau yn y Rhondda.

Hyd yma, mae gwerth hanner mis o law wedi disgyn dros Bont Senni ym Mhowys, ac mae 12 rhybudd llifogydd wedi dod i rym yn ne orllewin y wlad.

Yn sgil y trafferthion a ddaeth dros nos â Storm Bronagh, bydd rhybudd tywydd mewn grym yng Nghymru hyd at 9yb dydd Gwener (Medi 21).

Mae lluoedd heddlu yn rhybuddio modurwyr i gymryd gofal wrth yrru i’r gwaith, ac mae’r Swyddfa Dywydd yn rhybuddio bod y storm heb gilio.

Rhagolygon

“Mae Storm Bronagh yn symud tuag at ogledd a dwyrain [y Deyrnas Unedig], ac mae yna wyntoedd cryf o hyd,” meddai Rachael West, o’r Swyddfa Dywydd.

“Rydym yn disgwyl gwyntoedd hyd at 45 i 55 milltir yr awr ledled y Deyrnas Unedig, ac ynghyd â hynny mi fydd yna gawodydd trwm, a rhywfaint o gesair a tharanau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed