50 o aelodau Plaid Ifanc yn cefnogi Leanne Wood i aros yn arweinydd

Diweddarwyd  

Leanne Wood

Llun: Matthew Horwood trwy wefan www.leannerhondda.wales

Mae 50 o aelodau cangen ieuenctid Plaid Cymru am i Leanne Wood aros yn arweinydd.

Mewn llythyr agored sydd wedi’i bostio ar wefan Twitter, mae aelodau o Blaid Ifanc yn canmol Leanne Wood am “ysbrydoli cenhedlaeth newydd o aelodau a phobol ifanc ar draws Cymru”.

Mae’r hanner cant hefyd yn dweud bod Aelod Cynulliad Rhondda wedi eu “hysgogi [â] gweledigaeth uchelgeisiol ar gyfer y dyfodol”.

“Credwn fod gwleidyddiaeth Leanne wedi bod yn hollbwysig wrth greu’r bwrlwm hwn ymysg cefnogwyr ifanc,” meddai’r llythyr.

“Gweledigaeth o Gymru ffyniannus, gynaliadwy ac annibynnol sydd gan Leanne. Mae ei gwerthoedd canolog … wedi sicrhau ein bod wedi cymryd y safbwynt cywir ar y materion sy’n diffinio’n hoes …”

Cystadleuaeth

Yr Aelodau Cynulliad Plaid Cymru, Adam Price, a Rhun ap Iorwerth, sydd wedi herio Leanne Wood am arweinyddiaeth y blaid, a bydd enillydd yr ornest yn cael ei gyhoeddi ar Fedi 28.

Mae Plaid Ifanc a’i his-changhennau wedi cyhoeddi y byddan nhw’n niwtral yn ystod yr ymgyrch, ac wedi annog eu haelodau i gefnogi pwy bynnag yr hoffent.

Ymhlith aelodau sydd â’u henwau ar y llythyr agored i Leanne Wood, mae Cyd-Gadeirydd Plaid Ifanc, Sioned Treharne, a’u Hysgrifennydd, Sioned James.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones