Cymdeithas yn ‘priodi’ datblygu economaidd a hybu’r Gymraeg

 

Tafod y Ddraig

Llun: Cymdeithas yr Iaith

Cynhaliodd Cymdeithas yr Iaith ‘dderbyniad priodas’ symbolaidd wrth agor fforwm cyhoeddus yng Nghaerfyrddin fore Sadwrn.

Nod y seremoni symbolaidd yn llyfrgell y dref oedd dangos y berthynas rhwng datblygu economaidd a hybu’r Gymraeg fel prif iaith Sir Gaerfyrddin.

Mae’r ddau fater, meddai’r Gymdeithas, wedi cael sylw fel materion unigol dros y blynyddoedd diwethaf.

Mewn datganiad, dywedodd Ffred Ffransis, “Yn ystod y blynyddoedd diwethaf, bu dwy drafodaeth gyfangwbl ar wahân yn Sir Gâr.

“Bu llawer o drafod ar ddatblygu economaidd i greu swyddi, a bu hefyd drafod ar strategaeth i hybu’r Gymraeg fel prif iaith y sir.

“Ond does fawr ddim cyswllt wedi bod rhwng y ddwy drafodaeth hyn, heblaw am annog busnesau presennol i wneud defnydd o’r iaith.

“Rydyn ni yma heddiw yn dystion i briodas rhwng y ddau hyn. Byddwn yn trafod pa fath o ddatblygu economaidd y mae ei angen i gynnal yr iaith a chymunedau Cymraeg, ac yn enwedig i leihau’r allfudiad o bobol ifainc o’r sir.

“Nid unrhyw fath o ddatblygu economaidd, ond byddwn yn trafod pa fath o ddatblygiadau ac ymhle er mwyn cynnal ein cymunedau a rhoi cyfle i ieuenctid sy’n derbyn eu haddysg yn Gymraeg i ennill bywoliaeth yma hefyd.”

‘Gwaith i gynnal yr iaith’

Yn ystod y digwyddiad, cafodd papur ei gyflwyno gan Wynfford James yn dwyn y teitl ‘Gwaith i Gynnal yr Iaith’, a daeth ymatebion gan y Cynghorydd Emlyn Dole, arweinydd y Cyngor Sir, y Cynghorydd Cefin Campbell, cadeirydd y gweithgor sy’n paratoi adroddiad ar gymunedau gwledig y sir, a’r cyn-Aelod Cynulliad, Rhodri Glyn Thomas a gyhoeddodd adroddiad ar y pwnc yn 2014.

Fel rhan o’r ymdrechion i ddangos sut mae mentrau economaidd lleol yn llwyddo, cafodd waffles Tregroes, sy’n cael eu cynhyrchu gan Gymry Cymraeg ym Mhont-tyweli, eu dosbarthu yn ystod y digwyddiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed