Penderfynu sut i ethol arweinydd nesaf Llafur Cymru

Diweddarwyd am  
Llun o'r gwleidydd o'r ochr

Carwyn Jones

Llun: Cynulliad Cenedlaethol Cymru CC0 trwy Commons Wikimedia

Fe fydd Llafur Cymru’n penderfynu heddiw sut i ethol arweinydd nesa’r blaid a Phrif Weinidog nesaf Cymru, wrth i Carwyn Jones baratoi i gamu o’r neilltu.

Fe fu cryn drafod dros y misoedd diwethaf a ddylai’r holl bleidleisiau yn y ras fod yn gyfwerth â’i gilydd, sef y drefn a gafodd ei defnyddio i ethol Jeremy Corbyn yn arweinydd y blaid Brydeinig.

Ysgrifennydd Cyllid Llywodraeth Cymru, Mark Drakeford a’r Ysgrifennydd Iechyd, Vaughan Gething yw’r ddau sydd wedi sicrhau digon o gefnogaeth i fod yn ymgeiswyr yn y ras.

Dydy Eluned Morgan, Huw Irranca-Davies nac Alun Davies ddim wedi sicrhau digon o bleidleisiau i gael eu hystyried.

Opsiynau

Fe fydd gofyn i bobol sy’n mynychu cynhadledd arbennig heddiw benderfynu ai’r drefn ‘un aelod, un bleidlais’ fydd yn cael ei dewis, neu a fydd rhai pleidleisiau’n werth mwy na’i gilydd. Byddai pleidleisiau’n cael eu rhannu tair ffordd rhwng aelodau, undebau a gwleidyddion.

Opsiwn arall yw rhoi hanner y bleidlais i aelodau’r blaid a’r hanner arall i aelodau cysylltiedig.

Cafodd yr opsiynau eu cynnig gan yr Arglwydd Murphy yn dilyn arolwg.

Mark Drakeford yw’r ffefryn i ennill y ras, ac mae yntau’n ffafrio’r drefn ‘un aelod, un bleidlais’.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed