Llanc yn llofruddio llysfam ar ôl gwylio trais eithafol ar y We

Diweddarwyd am  
FfionaScourfield

Fiona Scourfield

Llun Heddlu Dyfed Powys trwy law’r teulu

Mae llanc 17 oed o Sir Gaerfyrddin a fagodd flas am drais eithafol, wedi cael ei garcharu am lofruddio ei lysfam.

Roedd Rueben Brathwaite yn byw ar Broodmoor Farm, San Clêr, gyda’i dad, Charles Brathwaite, a Fiona Scourfield.

Ac ar y fferm honno aeth ati i lofruddio’r ddynes 54 oed gyda bwyell a chleddyf samwrai.

Clywodd Llys y Goron Abertawe bod y llanc wedi datblygu obsesiwn am fideos ar-lein cyn cyflawni’r drosedd, ac ymhlith y deunydd hwnnw roedd clipiau o hunanladdiad a llofruddiaeth.

Beth ddigwyddodd?

Ar ôl dychwelyd o’r ysgol ar Fawrth 6, ac ar ôl treulio peth amser allan ar y fferm, fe ddenodd Rueben Brathwaite ei lysfam o’r ffermdy drwy honni bod cath wedi ei hanafu.

Roedd eisoes wedi cael gafael ar ei arfau, ac wedi iddi ddod allan o’r tŷ fe darodd hi ar ei phen â bôn y fwyell, cyn ei tharo sawl gwaith eto ar y llawr.

Wedi hynny, aeth â’r cleddyf a sleisio a thrywanu ei gwddf sawl gwaith.

Gyda’r llysfam yn farw ar y llawr, tynnodd luniau ohoni a cheisiodd eu gosod ar y We, ond bu’n aflwyddiannus.

Ar ôl y llofruddiaeth, mi alwodd yr heddlu gan gyfaddef i’r drosedd a mynnu ei fod wedi cyflawni’r weithred oherwydd ei fod eisiau lladd ei hun, ond yn methu.

Dedfryd

Bydd Rueben Brathwaite yn treulio o leiaf 15 mlynedd dan glo.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed