Banc yn agor yng Nghymru

Diweddarwyd am  

Llun: CC0

Yn groes i’r patrwm diweddar o fanciau yn cau ledled y wlad, mae Llywodraeth Cymru wedi agor un heddiw.

Lleolir pencadlys eu Banc Datblygu Cymru ym Mharc Technoleg Wrecsam.

Cafodd y banc ei sefydlu gan Lywodraeth Cymru, a’i nod yw cefnogi economi’r wlad trwy ddarparu arian i fusnesau bach a chanolig.

Mi fydd 23 aelod o staff yn gweithio yno i gychwyn – mae disgwyl i’r nifer ddyblu i dros 50 erbyn 2021.

Bydd hanner cyfarfodydd bwrdd y corff yn cael eu cynnal yno, a bydd eu Cyfarwyddwr Risg, Cydymffurfiaeth a Chyfreithiol, Neil Maguinness, yn gweithio yn yr adeilad.

Gwasanaethu

“Mae’r pencadlys newydd yn dangos fy mod yn benderfynol y bydd y banc datblygu wirioneddol yn gwasanaethu Cymru gyfan,” meddai Ysgrifennydd yr Economi, Ken Skates.

“Fe fydd yn bartner pwysig, gan weithio’n agos â Busnes Cymru, gyda’n gwaith o gryfhau economïau rhanbarthol Cymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed