Caerdydd yn treialu cyffur a allai wella pobol sy’n diodde’ o Diabetes Teip 1

Diweddarwyd  

Llun: CC0

Mae cyffur newydd yn cael ei dreialu yng Nghaerdydd, yn y gobaith y bydd yn arwain at allu trin Diabetes Teip 1 am y tro cyntaf erioed.

Mae meddygon yn gobeithio y bydd y cyffur yn arwain at ail-dyfu y celloedd yn y corff sy’n cynhyrchu insiwlin.

Mae’r sefydliad ymchwil clinigol o fewn Bwrdd Iechyd Caerdydd a’r Fro wedi rhoi’r cyffur i ddau glaf – y ddau gyntaf yn y byd i fod yn rhan o’r arbrawf byd-eang.

Mae pobol ddiabetig Teip 1 fel arfer yn wynebu oes gyfan o chwistrellu insiwlin i’w cyrff, gan nad yw eu pancreas yn gallu cynhyrchu digon o’r hormon yn naturiol.

Ond mae’r cyffur sy’n cael ei ddatblygu yn ardal Caerdydd yn ceisio ail-greu y celloedd coll fel bod cyrff dioddefwyr yn gallu rheoli lefelau glwcos eu hunain.

Ar hyn o bryd, mae’r bwrdd iechyd yn dweud nad oes unrhyw sgil-effeithiau i gymryd y cyffur hwn – hyd yma. Ond mae hi’n llawer rhy gynnar i ddweud os yw’r treial yn llwyddiant ai peidio. Maen nhw’n chwilio am wyth o bobol eraill i gymryd rhan yn y treial.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed