Llyfr Cymraeg yn gwerthu 1,200 o gopïau

Diweddarwyd  
Ailargraffiad Sgythia

Ailargraffiad Sgythia

Llun: Gwasg y Bwthyn

Mae’r nofel Sgythia gan y diweddar Gwynn ap Gwilym yn cael ei hail argraffu.

Cafodd y nofel hanesyddol, sy’n olrhain hanes John Dafis, Rheithor Mallwyd, ei chyhoeddi ddechrau’r flwyddyn gan Wasg y Bwthyn.

Bu farw Gwynn ap Gwilym ym mis Gorffennaf 2016, ond roedd wedi cwblhau’r nofel cyn hynny.

Cafodd ei chyhoeddi fis Mawrth eleni, ac yn ôl Gwasg y Bwthyn, mae pob un o’r 1,200 copi wedi’u gwerthu, gyda “thua 100 copi” y mis yn hedfan o’r silffoedd ar hyn o bryd.

Y nod yw argraffu 700 o gopïau ychwanegol, cyn y byddan nhw’n ystyried argraffu rhagor yn y dyfodol.

“Llyfrau o safon”

“Mae’n dangos ein bod yn cael llyfrau o’r safon orau,” meddai rheolwr y wasg, Aeron Jones.

“Mae gynnon ni nifer o awduron ar ein llyfrau.

“Cwmni bach ydan ni – gwasg fach yng Nghaernarfon – ond mae’r ffaith ein bod ni’n medru cael llyfrau o safon yn dangos natur a chryfder y cwmni.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed