Profion cyffur atal HIV yn “galonogol”

 
Siambr y Cynulliad

(Llun Cynulliad Cenedlaethol CCA2.0)

Llun: Cynulliad Cenedlaethol Cymru CC 2.0

Mae cyffur newydd sy’n atal yr haint HIV wedi cael dechrau “calonogol”, yn ôl Llywodraeth Cymru.

Mae byrddau iechyd wedi bod yn darparu cyffuriau PrEP (proffylacsis cyn-gysylltiad) ers mis Gorffennaf y llynedd, a hynny trwy gyfrwng clinigau iechyd rhywiol.

Yn ystod y flwyddyn gynta’, fe wnaeth 559 o bobol sydd mewn peryg o gael eu heintio, gael eu trin yn rhan o’r astudiaeth dair blynedd.

Ni wnaeth yr un ohonyn nhw a oedd yn defnyddio PrEP fynd ymlaen i ddatblygu HIV, meddai Llywodraeth Cymru.

 “Balch iawn”

Mae ffigyrau’n dangos bod achosion newydd o heintiau yn lleihau, gyda’r data diweddaraf yn dangos bod nifer yr achosion newydd o HIV wedi syrthio 24% yn chwarter ola’ 2017 o gymharu â 2016.

Dywed yr Ysgrifennydd Iechyd ei fod yn “falch iawn” bod gwasanaethau iechyd rhywiol Cymru wedi manteisio ar PrEP, gan ddweud bod y canlyniadau cychwynnol yn “galonogol”.

Ond mae’n dweud mai un dim ond un rhan o’r strategaeth ehangach i ostwng nifer yr achosion newydd o HIV yw hyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed