Ail-ethol Cymraes yn ddirprwy arweinydd y Blaid Werdd

Diweddarwyd am  
y blaid werdd

Y Blaid Werdd

Logo o wefan y Blaid Werdd

Mae’r Gymraes, Amelia Womack, wedi’i hail-ethol yn ddirprwy arweinydd y Blaid Werdd ar ôl ennill 54% o’r bleidlais.

Cafodd hi ei geni a’i magu yng Nghasnewydd, ac roedd hi’n ymgeisydd yng Nghaerdydd yn ystod etholiadau’r Cynulliad yn 2016.

Bydd hi’n parhau i ymgyrchu tros system ynni cynaliadwy i Gymru, yn ogystal â hawliau merched.

Cafodd Jonathan Bartley a Sian Berry eu hailethol yn gyd-arweinyddion ar ôl ennill 74% o’r bleidlais. Maen nhw wedi addo sicrhau mai’r Blaid Werdd fydd trydedd plaid fwyaf Prydain o dan eu harweinyddiaeth.

Yn ogystal, maen nhw’n anelu i sicrhau bod ganddyn nhw aelod ar bob cyngor yng Nghymru a Lloegr, gan frwydro yn erbyn gwleidyddiaeth “henffasiwn”.

‘Angen hwb ar Gymru’

Yn dilyn y canlyniad, dywedodd Amelia Womack fod angen “hwb ar Gymru” o fewn y blaid, fisoedd ar ôl i aelodau bleidleisio yn erbyn dwy blaid ar wahân i Gymru a Lloegr.

“Nawr, yn fwy nag erioed o’r blaen, mae angen hybwr ar Gymru ar gyfer dyfodol ynni glân. Boed hynny’n adeiladu atomfa Wylfa ym Môn neu’r slwj niwclear sy’n cael ei bwmpio i mewn i’n dyfroedd o atomfeydd Seisnig, mae’n amlwg fod pobol Cymru’n ôl-ystyriaeth o safbwynt agenda ynni’r Ceidwadwyr.

“Mae’r Blaid Werdd yn cynnig gweledigaeth newydd, gliriach i Gymru, a dw i’n edrych ymlaen at gydweithio â Sian a Jonathan i wthio am fuddsoddiad mewn cynlluniau ynni adnewyddadwy glân ar gyfer ein cenedl, megis Morlyn Llanw Bae Abertawe.

“Mae hefyd yn hanfodol bwysig fod Cymru’n arwain ar hawliau merched,” ychwanegodd, gan alw am wneud gwreig-gasineb yn drosedd a chodi ymwybyddiaeth o hawliau LGBTQIA+.

Ychwanegodd mai ei nod yw “sicrhau nad yw’r un person o Gymru’n teimlo fel dinesydd eilradd yn ein gwlad”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones