Cymru’n croesawu Taith Seiclo Prydain – a Geraint Thomas

Diweddarwyd  
Geraint Thomas

Geraint Thomas yn cystadlu yn ras Taith Prydain yn Sir Gâr

Llun: Enid Jones / golwg360

Mae Cymru wedi croesawu enwau mawr y byd seiclo – gan gynnwys y Cymro ac enillydd Tour de France, Geraint Thomas – wrth i ras Taith Seiclo Prydain ddechrau ym Mharc Gwledig Pen-bre ddydd Sul.

Hefyd yn cymryd rhan yn y ras mae cyd-aelod Geraint Thomas yn nhîm Sky, Chris Froome. Dyma’r tro cyntaf i’r ddau gystadlu gyda’i gilydd yn y ras ers 2009.

Bydd y cymal cyntaf yn dod i ben yng Nghasnewydd yn ystod y prynhawn.

Dywedodd cyfarwyddwr y ras, Mick Bennett ei fod e “wrth ei fodd” fod y ddau yn cystadlu yn y ras.

“Mae cael dau o’r seiclwyr gorau yn hanes Prydain – enillydd presennol y Tour de France a’r Giro d’Italia, neb llai — yn cystadlu yn y ras yn newyddion gwych i’n cefnogwyr, a fydd yn heidio i’r strydoedd i gael cip ar eu harwyr.

“Fe welson ni’r ymateb anhygoel gafodd Geraint yn ystod ei ddathliadau wrth ddod adref i Gaerdydd yr wythnos ddiwethaf. Mae’r ffaith fod y Cymal Cyntaf ddydd Sul, 2 Medi yn digwydd yn gyfangwbl yng Nghymru’n golygu y bydd y wlad gyfan yn gallu dathlu ei lwyddiant anhygoel yn Ffrainc dros yr haf.”

Bydd y ras i’w gweld yn llawn ar ITV4, a bydd sylw i’r ras bob dydd ar Eurosport.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed