Sesiynau blasu cyn agor canolfan newydd sbon

 

Bydd cyfres o sesiynau yn cael eu cynnal yn Sir Conwy er mwyn rhoi blas i bobol ar dreftadaeth y sir.

Mae’r digwyddiadau hyn, sy’n cael eu harwain gan artistiaid, yn cael eu trefnu ledled y sir yn y cyfnod cyn y bydd Canolfan Ddiwylliant Conwy yn agor ym mis Hydref 2019.

Y nod yw rhoi cyflwyniad i gasgliadau’r sir a rhoi’r cyfle i bobol gymryd rhan ymarferol mewn gweithgareddau diwylliannol.

Y sesiynau hyd yn hyn

Mae sesiynau eisoes wedi cael ei gynnal gan swyddogion y ganolfan ledled y sir.

Rhan gyntaf y rheiny oedd rhoi cyfle i bobol greu delweddau allan o blastig fel rhan o wythnos llesiant yr RSPB yng Ngwarchodfa Natur Conwy.

Roedd yr eitemau hyn wedyn yn cael eu defnyddio i greu darluniau cynhanesyddol modern, a hynny ar ôl i bobol ddysgu am y darganfyddiadau yn Ogof Kendrick ar Ben y Gogarth ger Llandudno.

Gobaith y Ganolfan Ddiwylliant yw cynnal rhagor o sesiynau yn ystod y flwyddyn nesa’, cyn yr agoriad swyddogol ym mis Hydref 2019.

‘Profi treftadaeth trwy’r celfyddydau’

“Bydd rhan fawr o weithgareddau’r Ganolfan yn canolbwyntio ar ddarparu cyfleoedd i bobol gael profiad o dreftadaeth trwy gyfrwng y celfyddydau,” meddai Samantha Jones, y Swyddog Prosiect ar gyfer y Ganolfan Ddiwylliant.

“Mae ein gwaith ymgysylltu â’r gymuned hyd yn hyn wedi dangos fod pobol â’r diddordeb mwyaf mewn dysgu am dreftadaeth trwy gymryd rhan mewn gweithgareddau creadigol ymarferol, ac felly mae’r sesiynau hyn yn darparu’r cymysgedd perffaith i gyfranogwyr.”

Celf Weledol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed