Rhowch arian i Landyrnog, meddai cynghorydd, wrth Arla

Diweddarwyd am  
Yr hufenfa yn dangos tanciau mawr

Hufenfa Llandyrnog yn 2008

LLun: Johnny Durnan CCA2.0

Mae cynghorydd lleol yn gobeithio y bydd y cwmni llaeth, Arla Foods, yn ail-fuddsoddi mewn safleoedd fel hufenfa Llandyrnog yn dilyn blwyddyn dda o ran elw.

Mae’r cwmni cydweithredol, sy’n eiddo i tua 11,200 o ffermwyr ledled Ewrop, wedi cyhoeddi heddiw eu bod yn ystyried rhannu elw’r flwyddyn gyda’u cyfranddalwyr, gyda’r gobaith o wneud taliadau ym mis Mawrth 2019.

Ond mae’r Cynghorydd Merfyn Parry o Landyrnog yn gobeithio y bydd yr elw’n gwneud iddyn nhw ailystyried eu penderfyniad i gau eu ffatri gaws yno – eu hunig un yng Nghymru. Mae 97 o swyddi yn y fantol.

Rhoi’r gorau i gynhyrchu

Ym mis Mai, fe gyhoeddodd y cwmni y byddan nhw’n rhoi’r gorau i gynhyrchu caws ar eu safle yno fel rhan o gynllun £400m i arbed costau, gan roi 97 o swyddi yn y fantol.

“Dydy o ddim yn fy synnu i ei bod nhw wedi gwneud gwell elw os ydyn nhw’n torri rhai o’u coste,” meddai’r Cynghorydd Merfyn Parry, sy’n cynrychioli Llandyrnog, wrth golwg360.

“Dw i’n gobeithio y gwnân nhw feddwl dwywaith am ail-infestio peth o’r elw maen nhw’n ei wneud yn ôl i rywle fel Llandyrnog.”

Fe gyhoeddodd Arla heddiw eu bod yn ystyried rhannu eu helw o fwy na £280 miliwn rhwng y ffermwyr oherwydd tywydd poeth yr haf sydd wedi achosi gofid ledled Ewrop.

Dyfodol y safle?

Mae Merfyn Parry yn dweud bod dirgelwch yn parhau ynghylch dyfodol yr hufenfa, er fod Arla Foods yn rhoi’r gorau i gynhyrchu caws, maen nhw wedi cadarnhau y bydd y safle’n parhau yn eu dwylo.

Fe fydd y cynghorydd yn rhan o gyfarfodydd gyda swyddogion y cwmni ddiwedd mis Medi a Thachwedd er mwyn ceisio cael ateb iawn ynglŷn â dyfodol y gwaith, meddai.

“Be faswn i’n lico gweld nhw’n gwneud efo’r safle yn Llandyrnog ydy ffeindio, wrach, ryw farchnad arall neu ryw product arall fasen nhw’n gallu ei wneud allan o’u llefrith er mwyn medru cadw Llandyrnog i fynd,” meddai.

“Does dim bwys be ydy o, a dweud y gwir, cyn belled ei fod yn cadw[‘r hufenfa] i fynd a chreu gwaith i bobol leol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer