Un o bob tri meddyg teulu yn profi problemau iechyd

Diweddarwyd  

Llun: CCO

Mae un o bob tri meddyg teulu a staff meddygfeydd yng Nghymru, yn profi problemau â’u hiechyd meddyliol, yn ôl arolwg.

O holi 100 o staff meddygol ledled Cymru, mae’r elusen Mind Cymru wedi darganfod bod yna “sawl achos” o anhwylder meddyliol o fewn meddygfeydd y wlad.

Hefyd mae’r elusen wedi darganfod bod yr aelodau staff yn gyndyn i droi at eu cyd-weithwyr am gymorth, ac yn ffafrio trafod eu trafferthion â’u teuluoedd.

Yn sgil cyhoeddi’r ystadegau, mae Mind Cymru yn galw ar fyrddau iechyd a meddygfeydd yng Nghymru i sicrhau eu bod yn darparu cymorth i aelodau staff sy’n dioddef.

“Anodd”

“Dydi gweithio ym maes iechyd ddim yn golygu bod siarad am eich iechyd meddyliol yn y gweithle, yn beth haws,” meddai Simon Jones, Pennaeth Polisi Mind Cymru.

“Mewn gwirionedd, mae pryderon am allu dyn i ofalu am gleifion, yn ei gwneud yn anoddach. Rhaid sicrhau bod staff gofal iechyd yn medru siarad am eu hiechyd meddyliol.

“Fel unrhyw un arall, mae angen cefnogaeth arnyn nhw, a dylai bod hynny’n cael ei ddarparu iddyn nhw.”

Canfyddiadau

Mae… 35% o feddygon teulu a staff meddygfeydd yn profi problem iechyd meddyliol

Mae… 84% o staff yn troi at eu teuluoedd am gymorth

Mae… 86% o staff yn troi at eu doctor am gymorth

Mae… 48% o staff yn troi at eu cydweithwyr am gymorth

Mae… 21% o staff yn troi at reolwr eu meddygfa am gymorth

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed