Ail-enwi’r Felodrôm Cenedlaethol ar ôl Geraint Thomas

Diweddarwyd am  
Geraint Thomas yn dathlu

Geraint Thomas yn dathlu ei fuddugoliaeth

Llun: Facebook tîm Sky

Mae Cyngor Casnewydd wedi cyhoeddi y byddan nhw’n ail-enwi Felodrôm Cenedlaethol Cymru ar ôl y seiclwr, Geraint Thomas.

Maen nhw wedi penderfynu ail-enwi’r lle yn ‘Felodrôm Cenedlaethol Cymru Geraint Thomas’ yn dilyn llwyddiant y gŵr o Gaerdydd yng nghystadleuaeth y Tour de France fis diwetha’.

Wrth dderbyn yr anrhydedd, dywed Geraint Thomas fod yr ailenwi yn “anrhydedd enfawr” iddo, a’i fod ddim yn “gallu credu’r peth”.

Pwysig i’w yrfa

Mae’r felodrôm wedi cael tipyn o ddefnydd gyda Geraint Thomas yn ystod ei yrfa.

Mae wedi bod yn hyfforddi yno ers ei agor yn 2003, a bu yno gyda Thîm GB cyn y Gemau Olympaidd yn 2012 pan enillodd ei ail fedal aur.

Bu yno hefyd gyda Thîm Cymru cyn Gemau’r Gymanwlad yn 2014 pan enillodd fedal arall.

“Mae’r Felodrôm wedi chwarae rôl bwysig yn fy hanes beicio ac yn parhau i chwarae rôl alweddol o ran ysbrydoli’r genhedlaeth nesaf o feicwyr yn Ne Cymru,” meddai.

“Mae’n gyfleuster gwych i feicwyr o bob oed a gallu i ddatblygu eu talentau.”

“Llwyddiant aruthrol”

Yn ôl Debbie Wilcox, Arweinydd Cyngor Casnewydd, mae’r ddinas yn awyddus i gydnabod “llwyddiant aruthrol” Geraint Thomas yn y Tour de France.

“Dyma’r wobr fwyaf trawiadol mewn gyrfa lewyrchus sy’n cynnwys llu o wobrau, yn cynnwys dwy fedal aur ar y trac yn y gemau Olympaidd,” meddai.

“Bu Geraint yn ymwelydd rheolaidd i Felodrôm Cenedlaethol Cymru ers ei agor yn 2003 ac mae wedi dweud gymaint y mae wedi ei olygu iddo, felly mae’n gwbl addas i Gasnewydd roi’r anrhydedd hon iddo.”

Ymweliad â Chasnewydd

Bydd y beiciwr yn ymweld â Chasnewydd y mis nesa’, a hynny’n rhan o Dîm Sky a fydd yn cystadlu yn Taith Prydain.

Mae disgwyl i’r ddinas ei groesawu ar ddiwedd y cymal cyntaf ar ddydd Sul, Medi 2.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed