Angen gweithredu “ar frys” yn erbyn diciâu gwartheg

 
Buwch Friesian mewn cae

Buwch odro

Llun: Parth Cyhoeddus

Mae un o undebau’r ffermwyr yng Nghymru wedi galw ar Lywodraeth Cymru i weithredu “ar frys” yn erbyn y diciâu mewn gwartheg.

Mae angen strategaeth “gynhwysfawr” i ddelio â’r broblem, meddai Llywydd NFU Cymru yn Sir Benfro, Jeff Evans.

Yn ôl ffigyrau swyddogol a gafodd eu cyhoeddi’r mis diwetha’, mae cynnydd o 10% wedi bod yn nifer yr achosion o’r diciâu mewn buchesi yng Nghymru yn ystod y deuddeg mis rhwng Ebrill 2017 ac Ebrill 2018.

Mae nifer y buchesi sydd o dan gyfyngiadau oherwydd y clefyd wedi codi 16% yn ystod yr un cyfnod, tra bod 3% yn fwy o wartheg wedi gorfod cael eu lladd, gyda chynnydd o 24% yn Sir Benfro.

‘Rhaid camu ymlaen’

“Alla’ i ddim pwysleisio pa mor bwysig yw hi fod Llywodraeth Cymru yn camu ymlaen gyda chynllun gwir gynhwysfawr a fydd yn cael gwared ar y diciâu,” meddai Jeff Evans yn Sioe Penfro, un o ddigwyddiadau amaethyddol mwya’ Cymru..

“Allwn ni ddim bod yn yr un sefyllfa ymhen deuddeg mis yn trafod faint o wartheg cynhyrchiol sydd wedi’u colli o’r wlad.”

Mae’r ffigurau’n dangos bod 3,387 o wartheg wedi cael eu lladd yn Sir Benfro yn ystod y flwyddyn ddiwetha’.

 “Camu ymlaen”

Fe gyhoeddodd Llywodraeth Cymru fesurau ym mis Hydref y llynedd sy’n galluogi ffermwyr sy’n byw mewn ardal lle mae’r diciâu ar ei waethaf, i reoli’r clefyd.

Mae’r mesurau hyn yn cynnwys yr hawl – gyda thrwydded – i weithredu yn erbyn moch daear sy’n cario ac yn lledaenu’r diciâu, gyda’r gweithredu hwnnw’n cynnwys trapio, cynnal profion neu ladd yr anifail.

Ond yn ôl Jeff Evans, dim ond tair ffarm trwy Gymru gyfan a dderbyniodd drwydded yn 2017 , gyda dim ond pum mochyn daear wedi’u lladd.

Mae’n galw felly ar Lywodraeth Cymru i gyflwyno mesurau sy’n gweithio’n iawn, gan ddweud bod angen strategaeth “gynhwysfawr” wrth fynd i’r afael â’r diciâu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed