Mae’r Swyddfa Dywydd wedi cyhoeddi rhybudd melyn am gawodydd taranllyd ledled Cymru.
Maen nhw’n rhybuddio y gallai hyd at 30mm o law gwympo o fewn awr.
Mae’r rhybudd yn ei le rhwng 12 o’r gloch ac 8 o’r gloch heno (nos Sul).
Fe allai rhai ardaloedd wynebu llifogydd a cholli cyflenwadau trydan o ganlyniad i fellt.
Dylai teithwyr fod yn ofalus ar y ffyrdd, ac mae oedi’n bosibl ar drafnidiaeth gyhoeddus.
