Yr ateb i filiwn o siaradwyr – mynediad am ddim bob blwyddyn

Diweddarwyd  

Elfed Roberts

Llun: golwg360

Mae Prif Weithredwr yr Eisteddfod Genedlaethol yn awgrymu y dylai Llywodraeth Cymru roi arian i’w gwneud hi’n bosib i eisteddfodau’r dyfodol gynnig mynediad am ddim i ymwelwyr.

Fe allai hynny fod yn rhan o’u hymgyrch i gyrraedd eu targed o sicrhau miliwn o siaradwyr Cymraeg erbyn y flwyddyn 2050, meddai Elfed Roberts.

Mae ei gyfnod wrth y llyw yn dod i ben ddiwedd y mis hwn, ac wrth ddweud cyn lleied o’r arian sydd ei angen i gynnal y brifwyl sy’n dod o gyrff cyhoeddus fel y llywodraeth, mae’n credu o ddifri’ y gallai cynnig mynediad am ddim i’r Maes bob blwyddyn fod yn help.

“Dw i wedi bod yn siarad lot efo gwleidyddion yr wythnos hon, ac wedi bod yn gwneud y pwynt nad ydi’r Eisteddfod yn derbyn cymaint â hynny o arian cyhoeddus, a bod canran helaethaf yr arian sydd ei angen bob blwyddyn yn dod o nawdd cwmniau preifat a’r hyn y mae pwyllgorau lleol yn ei gasglu,” meddai Elfed Roberts ar raglen Tocyn Wythnos, Radio Cymru, nos Wener (Awst 10).

“Os ydi’r llywodraeth o ddifri’ am gyrraedd y miliwn o siaradwyr, efallai bod dod â mwy o bobol at y Gymraeg, trwy helpu’r Eisteddfod i gynnig mynediad am ddim, yn ffordd o wneud hynny.”

Fe fydd Elfed Roberts yn camu o’r swydd ddiwedd mis Awst, a Betsan Moses yn cymryd ei le.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed