Gareth Bennett yw arweinydd newydd UKIP Cymru

Diweddarwyd  

Gareth Bennett

Llun: Cynulliad Cenedlaethol Cymru CC 2.0

Gareth Bennett yw arweinydd newydd grŵp UKIP yn y Cynulliad, wedi iddo drechu Neil Hamilton a Caroline Jones yn y ras am y swydd.

Cafodd y bleidlais ei chyhoeddi ym mhencadlys y blaid Brydeinig yn Newton Abbott, Dyfnaint, heddiw, gyda’r Aelod Cynulliad dros Ganol De Cymru yn cael 269 o bleidleisiau [58%].

Aelodau’r blaid yng Nghymru oedd yn cael pleidleisio gyda 514 [58.7% o’r 876 o aelodau i gyd] yn dewis gwneud.

Wrth fynd ati i geisio denu cefnogaeth ymgyrchodd Gareth Bennett tros ddiddymu’r Cynulliad a thorri nôl ar wariant cyhoeddus ar y Gymraeg.

Yn ôl llefarydd ar ran UKIP Cymru, byddai’n rhaid i unrhyw newid i bolisi’r blaid fynd drwy’r gynhadledd Brydeinig.

Cefndir yr arweinydd newydd

Yn ystod ymgyrch etholiad y Cynulliad yn 2016, fe wnaeth Gareth Bennett achosi ffrae fawr ar ôl beio problemau sbwriel Caerdydd ar fewnfudwyr.

Yn fwy diweddar, cafodd ei wahardd rhag siarad yn Siambr y Senedd am gyfnod a hynny am sarhau pobol drawsryweddol.

Dywedodd ar Twitter ei fod “wrth ei fodd” o gael ennill yr etholiad, gan ychwanegu bod “llawer o waith i’w wneud.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?