Eluned Morgan yn amddiffyn ei habsenoldeb o’r Eisteddfod

 
Eluned Morgan

Eluned Morgan

Llun: Cynulliad Cenedlaethol Cymru CC 2.0

Ddoe [dydd Iau] oedd diwrnod cyntaf Gweinidog y Gymraeg ar faes yr Eisteddfod Genedlaethol yng Nghaerdydd.

Ac mewn trafodaeth ar y maes heddiw, fe wnaeth Eluned Morgan amddiffyn ei habsenoldeb ar ôl cael ei beirniadu gan Gomisiynydd y Gymraeg, Meri Huws, yng nghylchgrawn Golwg.

Yn ôl Meri Huws, mae’r Gweinidog wedi “colli cyfle” ac mae hi yn “biti” nad oedd hi ar faes y Brifwyl o ddechrau’r wythnos.

“Dw i’n derbyn bod ganddi drefniadau gwyliau ond dw i yn credu hefyd bod hi’n colli cyfle i weld y brwdfrydedd sydd wedi bod yma o fore Sadwrn ymlaen,” meddai Meri Huws wrth Golwg.

“A’r ffaith fod y Gymraeg yn perthyn i ni i gyd yng Nghymru mewn ffordd bositif. Buasai hi wedi cael profiad arbennig o fod yma i weld pobol o bob oedran, o wahanol gefndiroedd, yma yn rhan o ddigwyddiad traddodiadol Cymraeg.

“Mae Cymru wedi newid, mae Cymru yn newid a dw i’n credu bod hi’n biti bod hi ddim yma achos mae’n colli mas.”

Gwyliau’r Gweinidog

Dywedodd Eluned Morgan fod angen i wleidyddion gael balans rhwng gwaith a bywyd teuluol a bu hefyd yn gwneud “ychydig o waith” tra ar wyliau yng Nghatalwnia.

“Mae lot o bethau i Weinidog ac mae’n bwysig i ni sicrhau bod gwleidyddion hefyd yn cael bywyd teuluol,” meddai Eluned Morgan.

“Be’ wnes i’r wythnos ddiwethaf oedd mynd i Gatalwnia. Roedd hi’n ddiddorol tu hwnt i glywed ac i gwrdd â phobol ro’n i’n ‘nabod o’r Senedd Ewropeaidd i gwrdd â ffrind i fi oedd yn Llywydd y Pwyllgor Lleiafrifoedd cyn fi, i drafod beth sy’n digwydd yng Nghatalwnia.

“Beth maen nhw’n gwneud, ac mae hwnna wedi bod yn help aruthrol… fe wnes i ddefnyddio fy amser personol i wneud ychydig o waith ymchwil a dod â hynny nôl.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed