‘Leanne yn fwy poblogaidd nag olynydd Carwyn’

Diweddarwyd  

Dai Lloyd

Llun: Cynulliad Cenedlaethol Cymru CC 2.0

“Mae Leanne Wood yn fwy poblogaidd gyda phleidleiswyr Llafur nag unrhyw un sy’n debygol o olynu’r [Prif Weinidog] Carwyn Jones.”

Daw’r sylw oddi wrth yr Aelod Cynulliad Plaid Cymru, Dai Lloyd, wrth iddo ddatgan ei fod am weld Leanne Wood yn aros yn arweinydd ar y blaid.

Yr Aelodau Cynulliad Rhun ap Iorwerth ac Adam Pric, sydd yn ei herio am y rôl, ac erbyn hyn mae pob ymgeisydd wedi derbyn cefnogaeth gan ffigyrau amlwg o’r blaid.

Hyd yma mae Cynog Dafis, un o hoelion wyth y blaid, wedi datgan ei fod yn cefnogi Adam Price, ac mae Dafydd Wigley, cyn-arweinydd y blaid, yn cefnogi Rhun ap Iorwerth.

“Denu pleidleisiau”

“Rwy’n cefnogi Leanne Wood oherwydd ei hymroddiad a’r penderfyniad hwn i fod yn Brif Weinidog yn 2021,” meddai Dai Lloyd wrth ddatgan ei gefnogaeth.

“Er mwyn cael y canlyniad sydd ei angen, fel y gallwn fod yn y sefyllfa honno, rhaid inni ddenu pleidleisiau cefnogwyr Llafur.

“Mae arolwg ar ôl arolwg wedi dangos bod Leanne yn fwy poblogaidd gyda phleidleiswyr Llafur nag unrhyw un sy’n debygol o olynu Carwyn Jones.

“Os ydym ni’n ddifrifol am greu newid, mae angen inni wneud y fathemateg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?