Geraint Thomas a “gwlad beirdd a chantorion, a seiclwyr o fri”

Diweddarwyd am  

Mae Llywydd y Cynulliad Cenedlaethol wedi galw Cymru yn “wlad beirdd a chantorion, a seiclwyr o fri” wrth groesawu Geraint Thomas, enillydd y Tour de France i Fae Caerdydd.

Roedd miloedd o bobol ar risiau’r Senedd i groesawu’r beiciwr – sy’n un o feibion y brifddinas – yn ôl adref wedi ei fuddugoliaeth.

Ar ôl derbyniad yno, mae’n gwneud ei ffordd i Gastell Caerdydd ar gyfer seremoni swyddogol gan y Cyngor.

Band Pres Llareggub, ynghyd â rhai cerddorion Cymraeg eraill, oedd yn cyfeilio wrth i’r dorf fywiog aros i weld Geraint Thomas yn ymddangos – yn ei siwmper lwyd, nid ei jersi felen – i dderbyn cymeradwyaeth eisteddfodwyr a phobol y brifddinas.

Mae wedi tanio dychymyg y genedl wedi iddo fynnu cario’r Ddraig Goch yn ystod y seremoni wobrwyo ar ddiwedd y ras yn Ffrainc, yn hytrach nag arddel Jac yr Undeb, baner arferol Tim Sky.

“Mae’r rhan fwya’ o bobol yn breuddwydio mewn du a gwyn, ond mae Geraint yn breuddwydio mewn melyn,” meddai Prif Weinidog Cymru, Carwyn Jones, wedyn, wrth ganmol Geraint Thomas.

Fe dderbyniodd Geraint Thomas hefyd baentiad ohono’n croesi’r llinell derfyn…

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed