Geraint Jarman – i’r Orsedd yn ei ‘shêds’

Diweddarwyd am  

Mae rociwr a bardd mwya’ cŵl Cymru yn gobeithio gwsigo’i ‘shêds’ wrth gael ei dderbyn i’r Orsedd yfory (dydd Gwener, Awst 10).

Ac fe ddatgelodd Geraint Jarman pam ei fod wedi dewis yr enw Geraint Glanrafon ar gyfer y seremoni – mae’n cofnodi’r blynyddoedd rhwng 4 ac 13 oed, pan oedd yn byw yn ardal Glanrafon Caerdydd, yr ardal ddosbarth gwaith, gymysg, ar lannau Taf.

Mewn sesiwn yn y Babell Lên, fe ddywedodd mai dyna flynyddoedd hapusa’i blentyndod ond eu bod nhw wedi dod i ben  yn ddisymwth.

“Oedd fy ffrind gorau fi, wedi cael ei ladd mewn damwain yn reidio beic i’r ysgol,” meddai, “ac wedyn oedden ni wedi gadael Glanrafon a mynd i Barc y Rhath ac oedd pob dim mor ddosbarth canol ac mor wahanol. Dyna pryd yr esi ar gyfeiliorn.”

Barddoniaeth – y peth pwysica’

Rhan o’r achubiaeth oedd dod i garu barddoniaeth – barddoniaeth Saesneg i ddechrau ac wedyn barddoniaeth Gymraeg… “y peth pwysica’ yn fy mywyd i”.

Fe eglurodd ei fod wedi troi yn benna’ at sgrifennu caneuon oherwydd ei bod yn haws cyrraedd pobol gyda’r rheiny yn hytrach na cherddi.

Mae ganddo ganeuon yn barod eisoes ar gyfer ei ddeunawfed albwm a digon o gerddi am gyfrol arall.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed