“Bwlch yn y farchnad” am gylchgrawn Cymraeg i fenywod

Diweddarwyd  

Cylchgrawn Cara a’i sefydlwyr

Llun: golwg360

Mae mam a merch wedi penderfynu lansio cylchgrawn gan ferched i ferched er mwyn llenwi’r hyn maen nhw yn ei alw yn “fwlch yn y farchnad”.

Fe gafodd Cara ei lansio’n swyddogol ar faes yr Eisteddfod Genedlaethol yng Nghaerdydd yr wythnos hon.

Efa Mared Edwards, a’i mam, Meinir Wyn Edwards, sydd tu ôl i’r cylchgrawn, a daw’r lansiad yn sgil degawd o drafod y syniad, a blwyddyn o waith trefnu.

Er bod y cylchgrawn wedi’i dargedu at ferched mae’r ddwy sydd wrth y llyw yn mynnu bod modd i bawb ei ddarllen a’i fwynhau.

“Dim dim ond i fenywod [mae’r cylchgrawn],” meddai Meinir Wyn Edwards wrth golwg360. “Mae’n gylchgrawn i bawb.

“Merched sydd wedi bod yn gweithio arno fe, merched sydd wedi bod yn cyfrannu ato fe. Merch yw’r dylunydd. Merched yw’r golygyddion. Ond [bydd yna] rhywbeth i apelio at bawb dw i’n gobeithio.”

“Hawdd i’w ddarllen”

Mae Meinir Wyn Edwards yn ategu bod y cylchgrawn yn wahanol i lawer o ddeunydd Cymraeg gan ei fod yn cyfuno erthyglau dwys ac ysgafn.

“Does dim cylchgrawn tebyg yn y Gymraeg,” meddai. “Gyda’r erthyglau high/low journalism yma. Erthyglau dwys ynghyd ag erthyglau mwy ysgafn.

“Rhywbeth hawdd i’w ddarllen. Dyw e ddim yn gyfrol lenyddol o gwbl. Gobeithio bydd pobol sydd ddim yn darllen nofelau Cymraeg yn medru darllen hwn, a datblygu wedyn i ddarllen mwy o Gymraeg.”

Y cylchgrawn

Copi ‘sampl’ o’r cylchgrawn sydd wedi’i gyhoeddi ar gyfer Eisteddfod Genedlaethol 2018, medd sefydlwyr Cara.

Cafodd nifer cyfyngedig – 400 – eu printio, ac mae’r fam a’i merch wedi talu am y fenter â’u harian eu hunain – mae pob cyfrannwr wedi gweithio am ddim.

Mae’r pâr wedi ceisio am grantiau ac yn gobeithio medru cyhoeddi tri rhifyn y flwyddyn, gyda’r cyntaf ar gael yng Ngwanwyn 2019.

Maen nhw hefyd yn gobeithio cynyddu’r nifer o dudalennau o 20 i 80.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed