Llofruddiaeth David Gaut – tri dyn yn y llys

 
Llys y Goron Caerdydd

Llys y Goron Caerdydd

Mae disgwyl i dri dyn ymddangos gerbron y llys wedi’u cyhuddo o lofruddio dyn wnaeth ladd plentyn yn y 1980au.

Cafwyd hyd i David Gaut yn farw mewn tŷ yn Tredegar Newydd, Caerffili, brynhawn dydd Sadwrn (Awst 4).

Roedd y dyn 54 oed wedi cael ei garcharu am oes yn Llys y Goron Caerdydd am lofruddio babi 17 mis oed, Chi Ming Shek, ym mis Chwefror 1985.

Bu adroddiadau ei fod wedi cael ei ryddhau o’r carchar y llynedd ac wedi symud i Dredegar Newydd.

Mae Heddlu Gwent yn dweud bod tri dyn – 47, 23 a 51 oed – i gyd o ardal Tredegar Newydd – wedi cael eu cyhuddo gyda llofruddiaeth David Gaut.

Bydd y tri yn mynd gerbron Llys Ynadon Casnewydd heddiw [dydd Iau, Awst 9].

Wrth ddedfrydu David Gaut yn 1985, dywedodd y barnwr mai llofruddiaeth y bachgen bach oedd “y drosedd waethaf yn y wlad”.

Roedd y babi â chleisiau gwael dros ei gorff. Bu farw o sawl anaf, gan gynnwys rhai i’w fraich a’i benglog, a oedd wedi torri.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones