Fe allai tyrfaoedd Geraint Thomas darfu ar yr Eisteddfod

 
Geraint Thomas

Geraint Thomas yn ennill Tour de France

Llun: Pete Goding / PA Wire

Fe fydd Heddlu De Cymru yn cadw llygad barcud ar faint o bobol fydd yn crynhoi ym Mae Caerdydd heddiw (dydd Iau, Awst 9) i groesawu’r beiciwr, Geraint Thomas, gartref i Gaerdydd.

Ond, os y byddan nhw’n gorfod symud pobol o’r ardal yn enw diogelwch, fe allai hynny rwystro eisteddfodwyr rhag mynd a dod o’r brifwyl o gwmpas Canolfan y Mileniwm.

Dydyn nhw ddim wedi cadarnhau faint yn union ydi’r uchafswm o bobol a ganiateir ger grisiau’r Senedd, ond mae Heddlu Cymru yn dweud fod yna rif dan sylw, ac y gallai caniatau rhagor yn yr ardal wneud y lle’n beryg.

Mae’n debyg bod awdurdodau yn gweithio gyda’i gilydd i geisio sicrhau na fydd gormod yn ymgynnull i groesawu enillydd y Tour de France, mae’r heddlu wedi cadarnhau eu bod nhw’n barod i gamu i mewn, unwaith y byddan nhw’n cael eu galw gan yr Eisteddfod.

Dathlu camp y beiciwr

Mae disgwyl i Geraint Thomas gyrraedd Bae Caerdydd toc cyn 4:30 y prynhawn yma, cyn seiclo draw i Gastell Caerdydd, lle fydd y dathliadau yn parhau.

Er bod y digwyddiad yn dechnegol ar faes yr Eisteddfod, bydd cyfrifoldeb am yr ardal yn cael ei drosglwyddo yn ôl at y Senedd dros dro, sy’n golygu bydd y seiclwr di-Gymraeg yn gallu siarad heb dorri’r rheol iaith.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed