Parc yr Arfau i gynnal pencampwriaeth Quidditch

 

Bydd gemau quidditch yn cael eu cynnal ym Mharc yr Arfau yng Nghaerdydd ddiwedd y mis, a hynny wrth i bencampwriaeth Uwch Gynghrair y gamp gael ei chynnal yno.

Mae’r gamp wedi’i hysbrydoli gan lyfrau Harri Potter yr awdures, J K Rowling, a bellach mae quidditch wedi datblygu’n gamp go iawn.

Bydd y bencampwriaeth yn gweld deg tîm o wahanol rannau o wledydd Prydain yn herio’i gilydd, gan gynnwys un tîm o Gymru sydd newydd gael ei sefydlu, sef Y Dreigiau Cymreig.

Dim ond am ddiwrnod y bydd y bencampwriaeth yn cael ei chynnal, gyda phob un tîm yn cystadlu yn y gêm ar Awst 25.

Penllanw yw’r diwrnod i gyfres o gemau rhanbarthol sydd wedi cael eu cynnal yn ystod y ddau fis diwethaf.

Mae’r Deyrnas Unedig wedi’u rhannu’n ddau ranbarth, gyda phum tîm yr un yn Rhanbarth y Gogledd a Rhanbarth y De.

Quidditch?

Ers poblogrwydd y llyfrau a’r addasiadau ffilm, mae quidditch bellach yn cael ei chwarae gan 20,000 o chwaraewyr ledled y byd.

Mae pob tîm quidditch yn cynnwys 21 athletwr, ond dim ond saith chwaraewr ar bob ochr sy’n cael chwarae ar yr un pryd.

Y rhan fwyaf ddiddorol o’r gamp yw bod yn rhaid i bob chwaraewr chwarae’r gêm gydag ysgubell rhwng ei goesau.

Mae rheolau hefyd yn nodi mai dim ond hyd at bedwar chwaraewr o’r un rhyw sy’n cael bod ar y cae ar yr un pryd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?