Urdd yn obeithiol am arian gwersylloedd

 

Sian Lewis, Prif Weithredwr yr Urdd

Llun: Urdd Gobaith Cymru

Mae’r Urdd yn gobeithio cael clywed cyn diwedd Medi a fydd Llywodraeth Cymru’n rhoi £2.75m at wella’r gwersylloedd, yn enwedig Llangrannog a Glan-llyn.

Mae’r mudiad ei hun wedi addo buddsoddi swm o’r un faint at y gwaith – rhan o weledigaeth Prif Weithredwr newydd y mudiad, Sian Lewis.

“Mae’r trafodaethau gyda’r Llywodraeth wedi bod yn adeiladol  iawn,” meddai, mewn cynhadledd i’r wasg yn yr Eisteddfod.

Cyfraniadau cynta’ i gronfa

Heddiw, fe gyhoeddodd hi hefyd fod y cyfraniadau cynta’ wedi eu gwneud at gronfa newydd i helpu plant o gefndiroedd di-fraint i fynd ar gyrsiau yn y ddau wersyll a’r ganolfan yng Nghaerdydd.

Y nod yw cael 100 o noddwyr i gyfrannu cyfanswm o £16,000 i dalu am 100 o lefydd y flwyddyn nesa’, gan godi i 500 erbyn i’r mudiad ddathlu ei ben-blwydd yn 100 yn 2022.

Fe ddywedodd Sian Lewis ei bod yn credu “y dylai pob plentyn gael cyfle i fynychu’r gwersylloedd” ac na ddylai sefyllfa ariannol teuluoedd olygu bod plant “yn colli mas”.

Gwneud cais

Fe fydd rhieni ac athrawon yn gallu gwneud cais am gymorth ariannol i anfon plant ar gyrsiau pum niwrnod ac mae’r mudiad yn llunio meini prawf i benderfynu pa rai fydd yn cael mynd.

Yn ôl Sian Lewis, roedd un mudiad sy’n delio gyda thrais yn y cartref wedi holi am gyfleoedd i blant sydd dan eu hadain nhw.

Y bwriad yw codi’r arian i gyd erbyn mis Rhagfyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed