Yr Urdd yn cynnig gwyliau haf am ddim i blant difreintiedig

 

Mae Urdd Gobaith Cymru wedi sefydlu cronfa newydd a fydd yn sicrhau bod rhai o blant a phobol ifanc fwya’ difreintiedig Cymru yn cael y cyfle i ymweld â gwersylloedd y mudiad yn ystod gwyliau’r haf.

Enw’r cynllun yw ‘Cyfle i bawb – Cronfa Gwersyll Haf yr Urdd’, ac mae’r mudiad ar hyn o bryd yn chwilio am unigolion i noddi gwyliau i blant yn ystod gwyliau haf y flwyddyn nesa’.

Yn ôl yr Urdd, fe fydd nawdd o £160 yr un yn ariannu lle i blentyn ar gwrs 5 diwrnod yn naill ai Llangrannog, Glan-llyn neu Gaerdydd.

Mae’r gronfa eisoes wedi derbyn cefnogaeth gan Lywodraeth Cymru a’r cwmni teledu, Tinopolis.

Fe fydd yn cael ei lansio yn swyddogol yn Eisteddfod Genedlaethol Caerdydd, cyn y bydd ar gael i ysgolion a rhieni gyflwyno ceisiadau yn 2019.

Cymorth i’r difreintiedig

“Mae’r Urdd yn cynnig ystod eang o weithgareddau a gwasanaethau gwych ar gyfer plant a phobl ifanc drwy gydol y flwyddyn ac mae mynychu Gwersyll Haf yn un o’r profiadau mwyaf unigryw i’r Urdd,” meddai Sian Lewis, Prif Weithredwr yr Urdd.

“Dyma pam rydym ni wedi bod yn chwilio am ddulliau arloesol i sicrhau nad yw sefyllfa ariannol teulu yn golygu bod rhaid i blentyn golli cyfle.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones