Glanbia yn wfftio pryderon am ddyfodol ffatri gaws Llangefni

Diweddarwyd am  

Ffatri gaws Glanbia yn Llangefni

Llun: Eric Jones CC 2.0 trwy Gomin Wicimedia

Mae perchennog ffatri gaws ar Ynys Môn wedi mynnu na fydd unrhyw swyddi yn cael eu peryglu wrth iddyn nhw sefydlu ffatri newydd yn Iwerddon.

Ar hyn o bryd mae gan Glanbia ddau safle yng ngwledydd Prydain, gan gynnwys un ym Magheralin, Gogledd Iwerddon ac un arall yn Llangefni.

Ond, â Brexit yn prysur agosáu, mae’r cwmni bellach wedi cyhoeddi cynlluniau i adeiladu ffatri newydd yng Ngweriniaeth Iwerddon – gwlad sy’n aelod o’r Undeb Ewropeaidd.

Bydd y safle £115m hwn yn agor yn Port Laoise yn 2020, a’n cyflogi 78 o bobol.

 hufenfa yn cau yn Llandyrnog, Sir Ddinbych, ar ddiwedd y mis, mae peth pryder wedi bod am ddyfodol y diwydiant yng ngogledd Cymru, a’r posibiliad o adleoli swyddi i Ewrop.

Ond, wrth siarad â golwg360, mae llefarydd ar ran Glanbia wedi wfftio’r pryderon hynny.

Testun gofid?

Mae’r llefarydd yn mynnu bod y ffatrïoedd yng Nghymru a Gogledd Iwerddon yn gwneud yn “dda”, a bod swyddi’r ffatrïoedd yn ddiogel.

Ac mae’n ategu bod Glanbia wrthi’n ceisio cael gafael ar ragor o ffermwyr Cymreig, i ddarparu llaeth iddyn nhw – llaeth Cymreig sy’n cael ei ddefnyddio i gynhyrchu mozzarella’r ffatri.

Gan eu bod yn gwerthu caws i 30 gwlad ledled Ewrop, mae’r cwmni yn teimlo bod sefydlu ffatri o fewn yr undeb yn debygol o’u diogelu rhag “rhwystrau fasnach posib yn y dyfodol”.

“Cam positif”

“Mae Portlaoise yn gam positif i Gaws Glanbia,” meddai Paul Vernon, Prif Swyddog Gweithredol Caws Glanbia wrth golwg360.

“Rydym wedi sôn am sefydlu trydydd safle cynhyrchu ers sawl blynedd. Mae ein dau safle yn Llangefni a Magheralin yn cynhyrchu cymaint ag y medran nhw, a dydyn nhw methu cynhyrchu rhagor.

“Gan fod y busnes yn parhau i dyfu, dyma’r cyfnod iawn i fuddsoddi. Mae ein safleoedd presennol yn bwysig iawn i’n busnes, a byddwn yn parhau i ganolbwyntio ar ddarparu caws i gwsmeriaid y farchnad yn y Deyrnas Unedig.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer