Trysorydd Plaid Cymru yn camu o’r neilltu

Diweddarwyd am  

Nigel Copner

Llun: Cyfrif Twitter Nigel Copner

Mae Plaid Cymru wedi diolch i Nigel Copner am ei waith i’r blaid, yn dilyn ei ymddiswyddiad o fod yn drysorydd iddi.

Mae Nigel Copner yn gyn-ymgeisydd Plaid Cymru yn etholaeth Blaenau Gwent, ac fe gyhoeddodd ei ymddiswyddiad ddydd Llun (Gorffennaf 23) ar ffurf ebost.

Yn ôl adroddiadau’r BBC, mae Nigel Copner yn honni iddo dderbyn bygythiadau gan gefnogwyr arweinydd y Blaid, Leanne Wood.

Daw hyn ar ôl i Gangen Plaid Cymru Blaenau Gwent ddatgan eu cefnogaeth i Rhun ap Iorwerth, Aelod Cynulliad Ynys Môn yn yr etholiad am arweinyddiaeth y blaid.

Mae’n debyg bod Nigel Copner hefyd wedi beirniadu prosesau mewnol y blaid, gan awgrymu bod angen cyflwyno gwelliannau os ydyn nhw am gipio pŵer.

Ymateb y blaid

“Nid ydym yn cydnabod sylwadau Nigel Copner am brosesau’r blaid,” meddai llefarydd ar ran Plaid Cymru.

“Gwnaed cynnydd yn yr etholiadau lleol ac yn etholiad brys San Steffan y llynedd mewn cyd-destun hynod heriol.

“Mae paratoadau cyson ar waith ar gyfer etholiad nesaf y Cynulliad i sicrhau ein bod yn y safle cryfaf posib o ran cyllid a threfniadaeth. Rydym yn ddiolchgar i Nigel am ei waith.”

Mae llefarydd ar ran Leanne Wood wedi gwadu’r honiadau, gan ddadlau nad oes cofnod o unrhyw gwynion.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?