Cyhoeddi pwy fydd tenantiaid cyntaf Yr Egin, cartref newydd S4C

Diweddarwyd  
Llun o'r adeilad sydd i'w godi yng Nghaerfyrddin

Cynllun Yr Egin

Llun cyhoeddusrwydd

Mae Prifysgol Cymru Y Drindod Dewi Sant wedi cyhoeddi pwy fydd y  tenantiaid cyntaf a fydd yn symud i Ganolfan S4C Yr Egin yng Nghaerfyrddin.

Mae’r adeilad, a fydd yn gartref i bencadlys S4C, bellach yn dri chwarter llawn (74%) meddai’r brifysgol. Y targed gwreiddiol ar yr adeg yma oedd 60%.

Y tenantiaid cyntaf fydd Atebol; Big Learning Company; Captain Jac; Asset Finance Solutions; Gorilla; Highly; Lens 360; Moilin; Optimwm; a Trywydd.

Maen nhw’n gasgliad amrywiol o gwmnïau sy’n gweithio yn y diwydiannau creadigol, gan gynnwys cyhoeddi aml-gyfrwng a thechnoleg ddigidol, addysg ddigidol, cynhyrchu fideo a ffotograffiaeth, ôl-gynhyrchu, dylunio graffeg, cyfieithu ac is-deitlo yn ogystal â rheolaeth ariannol ar gyfer y diwydiannau creadigol.

Gweledigaeth y brifysgol ar gyfer Yr Egin yw datblygu canolfan a fydd yn adlewyrchu arfer gorau masnachol yn y sector creadigol. Mae’r Egin yn un o 11 o brosiectau ar draws de orllewin Cymru sydd i’w hariannu’n rhannol, yn amodol ar gymeradwyaeth achosion busnes, gan y £1.3bn o Fargen Dinas Bae Abertawe.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?