Saethu petris yn Pennant Melangell yn “gabledd” meddai awdur

Diweddarwyd  

Llun: Gerald Morgan, parth cyhoeddus trwy Gomin Wicimedia

Mae’r ffaith bod petris yn cael eu saethu ger un o fannau cysegredig hynaf Cymru, yn “gabledd”, yn ôl awdur a dringwr sy’n ysgrifennu i bapur newydd The Guardian.

Yn ei erthygl ddiweddaraf, mae Jim Perrin yn adrodd stori Pennant Melangell – eglwys fechan, ger Llangynog yng ngogledd Powys – ac mae’n nodi y bu’r ardal yn lloches i anifeiliaid gwyllt ar un adeg.

Hyd at 1900, roedd pobol yr ardal yn ymatal rhag lladd ysgyfarnogod y dyffryn, meddai, ac mae chwedlau yn awgrymu bod Santes Melangell ei hun yn gwarchod y creaduriaid.

Ond, bellach mae petris yn cael eu magu a’u saethu yn yr ardal gan ystâd saethu Llechwedd y Garth, ac mae Jim Perrin yn chwyrn yn erbyn hynny.

Dim byd ond synau gynnau

“Yn fuan bydd synau gynnau yn atseinio yn y lle tawel hwn,” meddai Jim Perrin.

“Bydd cyrff llipa nythaid y flwyddyn hon yn disgyn i’r llawr, ac yn cael eu casglu gan gŵn. A’u lluchio i gefnau Land Rovers, ac yna eu taflu o’r neilltu.

“Mae’r ffaith bod hyn yn digwydd fan hyn, yn gabledd ac yn sarhad. Onid yw’r saethwyr yn sylweddoli?”

Mae golwg360 wedi cysylltu ag ystad Llechwedd y Garth i gael ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?