Tori blaenllaw yn cefnogi Paul Davies i fod yn arweinydd

Diweddarwyd am  
Pen ac ysgwydd ar gefndir gwyn

Paul Davies

Llun: Cynulliad Cenedlaethol Cymru CC 2.0

Mae un arall o Aelodau Seneddol Ceidwadol Cymru wedi cefnogi Paul Davies yn y ras am arweinyddiaeth y Ceidwadwyr Cymreig.

David Davies yw’r ail Aelod Seneddol i roi ei gefnogaeth i ymgyrch yr Aelod Cynulliad dros Breseli Penfro, ar ôl i’r AS Stephen Crabb, sy’n cynrychioli’r un etholaeth â Paul Davies, wneud yr un peth.

Mae hyn yn golygu bod gan Paul Davies bellach gefnogaeth Ceidwadwyr a oedd o blaid ac yn erbyn Brexit.

“Dyn o gywirdeb”

 “Dydw i ddim yn oedi rhag cefnogi ymgyrch arweinyddol Paul [Davies],” meddai David Davies sy’n Aelod Seneddol dros Sir Fynwy.

“Mae’n ddyn o gywirdeb ac mae ganddo’r profiad o symud pethau yn eu blaenau a tharo Llafur yn y fan lle mae’n gwneud dolur!

“Gyda Paul yn arweinydd, does gen i ddim amheuaeth y bydd yn dod â rheolaeth Llafur ar Gymru i ben unwaith ac am byth.”

Yr her

 Mae Paul Davies ar hyn o bryd yn arweinydd dros dro ar y Ceidwadwyr Cymreig, ar ôl i Andrew RT Davies ymddiswyddo ddiwedd y mis diwetha’.

Mae Suzy Davies, yr Aelod Cynulliad dros Dde Orllewin Cymru, hefyd yn ymgeisio am yr arweinyddiaeth.

Y dyddiad cau ar gyfer enwebiadau yw Gorffennaf 16, ac mae disgwyl i’r canlyniad gael ei gyhoeddi ar Fedi 6.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?