Y cwmni Cymraeg a chrys-T “Croatia 2 – England 1”

Diweddarwyd  
Crys yn dathlu buddugoliaeth Croatia

Crys yn dathlu buddugoliaeth Croatia

Llun: Shwl Di Mwl

Y Wasg Lundeinig wnaeth ysbrydoli dilledyn diweddara’ cwmni Shwl Di Mwl – crys sy’n dathlu buddugoliaeth Croatia tros Loegr nos Fercher.

Mae perchennog y cwmni crysau-t o Sir Gâr, Owain Young, yn dweud ei fod wedi dathlu methiannau Lloegr ers blynyddoedd trwy greu crysau tebyg.

Ac eleni mae ei gwmni wedi creu crys-T gyda sgôr y gêm, 2-1 i Croatia.

Yn ogystal â’r sgôr, mae ar y crys ddyfyniad gan gyn-reolwr Croatia, Slaven Bilic, a ddisgrifiodd y canlyniad fel hyn ar ITV: “Mae’n beth da i’r gwledydd bychain i gyd – ac i Gymru hefyd”.

Mae Owain Young yn cydnabod bod yna rhywfaint o “genfigen” tu ôl i’r crys, ond yn mynnu mai rhwystredigaeth at agwedd y wasg Lundeinig wnaeth ei ysgogi’n bennaf.

“Dw i ddim yn casáu Saeson o gwbl. Pob lwc iddyn nhw,” meddai wrth golwg360. “Y Wasg yn anffodus sy’n hala ti’n grac ambythdi nhw. R’on nhw’n diystyru Croatia fel eu bod nhw’n ddim byd.

“Maen nhw’n diystyru gwledydd eraill. Dyna’r trwbl gyda nhw. Y Wasg yw e.”

Y crys

Er bod y crysau ond wedi bod ar werth ers y bore yma, mae’r cwmni wedi gwerthu 15 yn barod – mae hynny’n rhywfaint o “syndod”  i Owain Young.

Mae’n nodi bod y gêm wedi bod yn “artaith” iddo – roedd ar flaen ei sedd eisiau gweld Lloegr yn colli.

Ac mae yn falch o gael gosod dyfyniad Slaven Bilic ar y crys.

“R’on i wedi meddwl am ryw gynllun arall i ddweud y gwir,” meddai. “Ond o’n i’n edrych ar y gêm, ac mi ddaeth hwnna lan, ac o’n i’n meddwl bod e’n dweud y cyfan, i ddweud y gwir.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?