Cwmni niwclear yn talu i blant hwylio

 
Amlinell o adeilad yn erbyn tir agored

Logo’r cynllun

Llun: o wefan Horizon

Mae’r cwmni pŵer niwclear, Horizon, wedi ariannu cyfres o weithgareddau er mwyn dysgu sgiliau hwylio i blant ysgol yng Nghymru.

Mae’r rhaglen weithgareddau wedi’i threfnu gan yr elusen All Afloat.

 Cafodd yr elusen ei sefydlu gan staff o Gymdeithas Hwylio Frenhinol Cymru sy’n ceisio gweddnewid bywydau pobol ifanc dwy ddysgu sgiliau hwylio iddyn nhw.

Mae Horizon, sy’n gobeithio codi ail orsaf bŵer niwclear ar  Ynys Môn, wedi rhoi arian i gefnogi rhaglen yr elusen o dan eu Cynllun Buddsoddi Cymunedol – sy’n cynnig nawdd i sefydliadau a phrosiectau yn Ynys Môn a gogledd Cymru.

Hwylio yng Nghaergybi

Mi fydd y gweithgareddau hwylio yn cael eu cynnal yn ystod yr haf eleni, gyda’r rhan fwya’ ohonyn nhw’n digwydd yng Nghaergybi.

Y penllanw wedyn fydd Gŵyl OnBoard y Gymdeithas Hwylio Frenhinol, a fydd yn cael ei chynnal ar Lyn Tegid ger y Bala ym mis Medi.

Mae’r rhaglen yn rhan o ddathliadau ‘Blwyddyn y Môr’, sef ymgyrch gan Lywodraeth Cymru i dynnu sylw at arfordir Cymru.

“Arbennig o ddiolchgar”

 Yn ôl Philip Braden, sy’n un o ymddiriedolwyr All Float, maen nhw fel elusen yn “arbennig o ddiolchgar” i Horizon am y nawdd.

“Heb fuddsoddiad gan sefydliadau a busnesau lleol ni fyddem yn gallu cynnig y gweithgareddau hyn, ac yn y pen draw byddai cenedlaethau’r dyfodol yn colli allan ar sgiliau bywyd hollbwysig,” meddai.

“Rydym ni eisoes yn disgwyl haf prysur o weithgareddau, a fydd yn gweld dros 150 o blant lleol yn mynd ar y môr ar draws gogledd Cymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?