Amaethwyr yn croesawu’r cynllun Brexit

Diweddarwyd am  
Baner Jac yr Undeb gyda'r gair Brexit drosti

llun-CC0.jpg

Mae rhai o brif undebau amaethyddol gwledydd Prydain wedi croesawu Papur Gwyn Llywodraeth Prydain ar Brexit.

Mewn datganiad ar y cyd rhwng llywyddion yr NFU o bob un o wledydd Prydain, maen nhw’n dweud eu bod yn “falch” ar ôl gweld cynlluniau Llywodraeth ar Brexit.

Fe gawson nhw eu plesio yn neilltuol ar ôl gweld mai gobaith Llywodraeth Prydain yw sicrhau bod masnach rydd a dirwystr yn parhau rhwng y Deyrnas Unedig a’r Undeb Ewropeaidd wedi Brexit.

“Os yw ffermwyr gwledydd Prydain yn parhau i chwarae rhan mewn cynhyrchu bwydydd fforddiadwy o safon uchel i’r cyhoedd, ynghyd â darparu ar yr amgylchedd, yna mae’r egwyddor o ardal fasnach rydd ar gyfer nwyddau, gan gynnwys bwyd, yn hanfodol i’r sector,” meddai’r undebau amaethyddol.

Safonau lles anifeiliaid

 Yn ôl yr undebau, mae ffermwyr gwledydd Prydain yn cynhyrchu’r lefel uchaf o fwyd yn y byd.

Maen nhw felly’n falch y bydd Llywodraeth Prydain yn ceisio cadw’r safonau hyn, ar yr amod na fydd unrhyw bolisi masnach annibynnol yn “tanseilio’r” safonau hyn.

“Mae’n hanfodol nad yw polisi masnach annibynnol y Deyrnas Unedig ddim yn ceisio tanseilio’r safonau hynny, ac yn sefydlu perthynas agos gydag Ewrop a fydd yn sicrhau bod y safonau hyn yn parhau.”

Pwysigrwydd gweithwyr Ewrop

 Rhan arall o gynlluniau’r Llywodraeth yw dod â’r rhyddid i symud rhwng gwledydd i ben.

 Ond mae’r undebau’n lleisio eu pryderon ynghylch y bwriad hwn, gan y bydd yn effeithio ar weithwyr tymhorol a pharhaol sy’n dod o’r Undeb Ewropeaidd i weithio yn y Deyrnas Unedig.

Maen nhw’n dweud bod angen “cydnabod pwysigrwydd” y gweithwyr hyn wrth lunio polisi mewnfudo newydd.

“Mae’r diwydiant bwyd ac amaethyddol yn dal i annog y Llywodraeth i barhau gyda pholisi mewnfudo sy’n seiliedig ar ffaith ac anghenion busnes, gan adlewyrchu pwysigrwydd y gweithwyr hyn i’n sector bwyd ac amaeth.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?