Taith yn “pontio ffiniau gwleidyddol”

Diweddarwyd am  
Siambr y Cynulliad

(Llun Cynulliad Cenedlaethol CCA2.0)

Llun: Cynulliad Cenedlaethol Cymru CC 2.0

Mae teithiau o gefnogaeth at Aelod Cynulliad â chancr, wedi dangos bod yna “frawdgarwch” yn y Cynulliad rhwng pob plaid.

Dyna yw barn yr Aelod Cynulliad Plaid Cymru, Llŷr Gruffydd, a fydd yn arwain taith arbennig yn y gogledd yfory (dydd Sadwrn, Gorffennaf 14).

Bydd y daith hon yn rhedeg ar y cyd â ‘Taith Steffan Lewis’ a fydd yn cael ei chynnal yng Nghymoedd y de – a bydd beth bynnag ddeg Aelod Cynulliad yn cymryd rhan, o bob plaid, yn cynnwys Siân Gwenllian (Plaid Cymru), Janet Finch-Saunders (Ceidwadwyr Cymru), Ann Jones (Llafur) a Mandy Jones (UKIP).

“Mae wedi tynnu ni gyd at ein gilydd yn y Cynulliad achos, wrth gwrs, r’yn ni’n dueddol o fodoli mewn rhyw fath o silos pleidiol wleidyddol,” meddai. 

“Rydyn ni’n gweld ein gilydd yn y siambr pan mae ‘na ddadl, neu pan mae cwestiynau yn cael eu gofyn. Ond mae hyn yn rhywbeth sy’n pontio ar draws ffiniau gwleidyddol.

“A dw i’n credu bod hynny’n tanlinellu, a’n ein hatgoffa ni gyd ar ddiwedd y dydd, mai bodau dynol ‘yn ni. Boed ni’n weinidogion, neu aelodau meinciau cefn, neu unrhyw beth.”

Y daith

Bydd y daith yn arwain cerddwyr o dafarn Cross Keys yn Llandudno, i dafarn Crosskeys, Bae Penrhyn – taith pum milltir o hyd.

Mae’n cael ei chynnal fel bod cefnogwyr gogleddol ‘Taith Steffan Lewis’ yn medru cyfrannu at yr achos, gan fynd o un ‘Crosskeys’ i’r llall, gan fod teithwyr y de yn pasio heibio Pontycymer (Crosskeys, yn Saesneg).

Mae unrhyw un yn medru cymryd rhan, ac mae modd iddyn nhw wneud hynny ar unrhyw adeg. Bydd yn dechrau am 10yb ac gorffen tua chanol dydd, gyda’r arian a godir yn mynd i Ganolfan Ganser Felindre.

Yn ôl Llŷr Gruffydd, mae taith y de “dipyn yn fwy heriol” gan fod y dirwedd yn fryniog, tra bod Llandudno “mwy neu lai yn gwbwl fflat”.

Gallwch weld Llŷr Gruffydd yn siarad am y digwyddiad isod…

https://www.youtube.com/watch?v=rRy9UV6vS2I&feature=youtu.be

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?