‘Rhyddid Sir Gâr’ i D T Davies, y cyn-garcharor rhyfel

Diweddarwyd am  
DT Davies (canol) yn derbyn 'Rhyddid Sir Gâr'

DT Davies (canol) yn derbyn ‘Rhyddid Sir Gâr’

Llun trwy law Cyngor Sir Gâr

Mae cyn-gadeirydd ar gynghorau Dyfed a Sir Gâr wedi derbyn ‘Rhyddid Sir Gâr’ ar achlysur ei ben-blwydd yn 100 oed heddiw (dydd Mercher, Gorffennaf 11).

Fe dreuliodd David Tom Davies – DT Davies – fwy na 30 mlynedd yn gynghorydd sir dros ardal Dryslwyn, ger Llandeilo, cyn ymddeol yn 2003.

Bu hefyd yn gadeirydd ar Gyngor Sir Dyfed rhwng 1981 a 1982, ac yn gadeirydd Cyngor Sir Gâr rhwng 1995 a 1997.

Ond cyn ymuno â llywodraeth leol, bu’n gwasanaethu yn y Lluoedd Arfog yn ystod yr Ail Ryfel Byd, lle bu’n garcharor rhyfel am gyfnod o chwe mlynedd.

Llwyddodd i ddianc o afael y Natsïaid nifer o weithiau yn ystod y cyfnod hwn, cyn cyrraedd yr hen Iwgoslafia yn y diwedd ac ymuno â chynghreiriaid yn yr Eidal.

Nododd ei atgofion am y cyfnod hwn yn ei hunangofiant, Dianc i Ryddid, a gafodd ei gyhoeddi yn 2015.

“Yr anrhydedd mwyaf”

Wrth dderbyn yr anrhydedd mewn seremoni o law cadeirydd presennol Cyngor Sir Gâr, Mansel Charles, dywed DT Davies ei bod yn “fraint arbennig”.

“Dw i’n hynod falch oherwydd pobol fel chi – sy’n cynrychioli pobol Sir Gâr – sy’n fy anrhydeddu heddiw, ac mae hynny’n golygu mwy i mi nag unrhyw anrhydedd dw i wedi’i dderbyn,” meddai.

Dim ond dwywaith mae ‘Rhyddid Sir Gâr’ wedi’i gyflwyno o’r blaen, a hynny i’r Gatrawd Gymreig Brenhinol yn 2009 a’r diweddar William David Thomas yn 2014.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed