Arwydd y ‘Cayo Arms’ yn cael cartref yng Ngheredigion

Diweddarwyd  

Mae hen arwydd tafarn enwog y ‘Cayo Arms’ yng Nghaerdydd bellach wedi cael cartref newydd yn y gorllewin.

Daw hynny ar ôl i’r dafarn, a gafodd ei henwi ar ôl Julian Cayo Evans, sefydlydd Byddin Rhyddid Cymru (yr FWA), gael ei hailenwi’n ddiweddar ‘The Pontcanna Arms’.

Ond fe berswadiodd Sian Ifan, sy’n aelod o’r grŵp ymgyrchu, Llysgenhadaeth Owain Glyndŵr, y perchnogion newydd i drosglwyddo hen arwydd y dafarn i deulu’r diweddar genedlaetholwr yng Ngheredigion.

Mae’r arwydd yn cynnwys yr hen enw a llun o Cayo Evans, a bwriad y teulu yw ei osod ar wal y tu allan i’w cartref, Glandenys ar fin y ffordd rhwng Tregaron a Llanbedr Pont Steffan, “fel bo pawb yn gallu ei weld”.

“Trueni”

Er bod yr ymgyrchydd yn dweud y byddai wedi bod yn “ddelfrydol” pe bai perchnogion y dafarn wedi cadw’r hen enw, mae’n mynnu mai achub yr arwydd oedd “yr unig beth” i’w wneud.

Ond ychwanega ei bod yn “druenus” bod yr enw wedi mynd, a’n bod ni’n “colli rhywbeth” trwy beidio â chadw enwau sy’n gysylltiedig â hanes Cymru – yn enwedig yn y brifddinas.

“Fel roeddwn i’n dweud wrth y rheolwr newydd, roedd yn druenus eu bod nhw wedi penderfynu peidio cadw’r enw a pheidio cadw’r arwydd, oherwydd mae yna bobol o bob rhan o’r byd yn cyrraedd Caerdydd,” meddai Sian Ifan wrth golwg360.

“Maen nhw wedi clywed am Cayo ac am y Cayo Arms ac yn edrych ymlaen i fynd yno i gael pryd o fwyd ac i godi gwydriad i Cayo.

“Fydd pobol ddim yn gwybod lle i fynd rŵan. Maen nhw wedi coll cyfle wrth golli’r enw.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed