AC Llafur yn wynebu gwaharddiad am bythefnos

Diweddarwyd am  

Rhiannon Passmore

Llun: Cynulliad Cenedlaethol Cymru CC 2.0

Mae Aelod Cynulliad Llafur yn wynebu cael ei gwahardd o’r Senedd am bythefnos, am fethu a rhoi prawf anadl.

Cafodd Rhianon Passmore ei gwahardd rhag gyrru ar Chwefror 12, pan gyfaddefodd ei bod wedi methu â rhoi prawf anadl i’r heddlu.

Mae Pwyllgor Safonau Ymddygiad y Cynulliad wedi argymell ei bod yn cael ei gwahardd am 14 diwrnod – ni fyddai’n cael ei thalu am y cyfnod hwnnw.

Bydd Aelodau Cynulliad yn cynnal dadl ar yr argymhelliad  ar Orffennaf 18, ac fe fydd y gwaharddiad yn dod i rym ar Fedi 18 os caiff ei basio.

Mae Rhianon Passmore wedi ymddiheuro am ei hymddygiad, ond yn mynnu nad oedd y weithred yn fwriadol.

Beth ddigwyddodd?

Cafodd Rhianon Passmore ei harestio ym mis Medi 2017, pan fethodd ei char yn Llaneirwg, Caerdydd.

Wrth aros am wasanaeth i’w char, ymddangosodd yr heddlu gan ofyn iddi gymryd prawf anadl, ond fe fethodd. Cafodd ei harestio a’i chludo i orsaf heddlu lle fethodd unwaith eto â darparu sampl.

Roedd yr Aelod Cynulliad, meddai, wedi yfed tri gwydryn o win cyn gyrru, ac wedi cymryd cyffuriau asthma  – mae’n honni iddi ddioddef pwl o asthma ar ôl casglu’i char.

Dyw Rhianon Passmore ddim wedi cynnig esboniad am pam y bu iddi fethu a chynnig sampl, ond mae hi wedi awgrymu mai’r asthma oedd rhywfaint ar fai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer