Cyhoeddi enw dyn, 37, o Glasgow a laddwyd ar yr M4

 

Llun: CC0

Mae enw’r dyn a laddwyd yn y ddamwain angheuol ar draffordd yr M4 yn ystod oriau mân ddydd Llun diwethaf (Gorffennaf 2) wedi’i gyhoeddi.

Roedd Lewis Hunter Gilmour yn 37 oed ac yn dod o Glasgow. Bu farw yn y gwrthdrawiad rhwng dau gerbyd ger cyffordd 47 Penllergaer am 1.20yb.

Mae ei deulu wedi cyhoeddi’r datganiad canlynol:

“Rydyn ni, fel teulu a ffrindiau Lewis, wedi cael ein hysgwyd a’n syfrdanu gan ei farwolaeth sydyn ac annhymig. Mae nifer o bobol eisoes wedi cyfeirio at ei garedigrwydd, ei natur hael a’i sensitifrwydd, yn ogystal â’i hiwmor.

“Fel cerddor, roedd o’n ddyn creadigol, yn eang ei ddiddordebau ac yn ysbrydoliaeth i eraill. Fel athro, roedd o bob amser yn annog ei ddisgyblion ac am eu gweld yn cyrraedd eu llawn botensial.”

Mae gyrrwr y cerbyd arall yn dal i dderbyn triniaeth yn yr ysbyty, mewn cyflwr difrifol ond sefydlog.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed