Eisteddfod 2020 i gael ei chynnal yn Tregaron

Diweddarwyd  

Gwesty’r Talbot a Henry Richard ar sgwâr Tregaron

Llun: Roger Kidd CC 2.0 trwy Gomin Wicimedia

Fe gyhoeddwyd heddiw (dydd Sadwrn, Gorffennaf 7) mai Tregaron fydd cartref y brifwyl pan fydd yn ymweld â Cheredigion ymhen dwy flynedd.

Dyma’r tro cyntaf i’r Eisteddfod ymweld â’r sir ers 1992, gyda’r ŵyl wedi’i chynnal yn Gelli Angharad ar gyrion tref Aberystwyth bryd hynny.

Yn 2020, fe fydd y Maes ar gyrion gogleddol Tregaron i gyfeiriad Aberystwyth.

Cynhelir cyfarfod cyhoeddus nos Iau, Medi 20, yn Aberaeron i rannu mwy o wybodaeth am ymweliad yr Eisteddfod â’r sir.

“O’r diwedd, wedi misoedd o chwilio am safleoedd addas lan a lawr y sir, daeth y newyddion roedd pob un o garedigion yr Eisteddfod yng Ngheredigion yn aros amdano; dewis Bwrdd Rheoli’r Eisteddfod mai Tregaron yng nghanol y sir fydd cartref Eisteddfod Genedlaethol Ceredigion 2020,” meddai Ellen ap Gwynn, arweinydd Cyngor Sir Ceredigion.

“Edrychwn ymlaen yn eiddgar at groesawu eisteddfodwyr o bob rhan o Gymru yma yn Awst 2020.”

Fe fydd yr Eisteddfod yn cael ei chynnal yno rhwng Gorffennaf 31 ac Awst 8, 2020.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?