Plaid Cymru: Adam Price a Rhun ap Iorwerth yn herio Leanne Wood

Diweddarwyd am  

Adam Price

Llun: Cynulliad Cenedlaethol Cymru CC 2.0

Mae Adam Price wedi ymuno â Rhun ap Iorwerth, a chyhoeddi y bydd yn sefyll am arweinyddiaeth Plaid Cymru.

Daw hyn rhai dyddiau wedi i Aelod Cynulliad Dwyrain Caerfyrddin a Dinefwr alw ar yr arweinydd presennol, Leanne Wood, i gamu o’r neilltu a rheoli’r blaid ar y cyd.

Cafodd yr alwad ei wrthod gan Leanne Wood – ffigwr sydd wedi bod wrth y llyw ers chwe blynedd – ac ambell aelod arall o’r blaid.

Er hynny, mae’r arweinydd wedi datgan y bydd yn camu i lawr os na fydd yn Brif Weinidog yn sgil Etholiad y Cynulliad 2021.

Mae penderfyniad y ddau Aelod Cynulliad i herio Leanne Wood yn golygu bod pob un blaid – gan eithrio’r Democratiaid Rhyddfrydol – bellach yn wynebu cystadleuaeth am arweinydd.

Gweledigaethau?

Er nad yw Adam Price wedi cynnig datganiad swyddogol o’i weledigaeth eto, mae’r ffigwr eisoes wedi beirniadu ‘r blaid o “aros mewn man cyffyrddus”.

Mae hefyd wedi galw am “ddechrau o’r newydd” a datblygu “corff o syniadau creadigol a chredadwy er mwyn ennyn diddordeb a hyder pobol Cymru”.

Mewn fideo ar ei gyfrif Twitter, mae Rhun ap Iorwerth wedi dweud bod yn rhaid i “Blaid Cymru arwain y ffordd tuag at y Gymru hyderus.”

Ac mae wedi dweud ei fod yn gobeithio “trafod gwahanol weledigaethau, gwahanol arddulliau a gwahanol syniadau”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?