‘Peidiwch ag anghofio’r Canolbarth’ – Ben Lake

Diweddarwyd  

Ben Lake AS yn galw am degwch i’r Canolbarth yn sesiwn holi’r Prif Weinidog 28 Mehefin 2018

Llun: Plaid Cymru

Mae Aelod Seneddol Ceredigion wedi galw ar y Prif Weinidog i gadw at ei hymrwymiad i roi Cynllun Twf ar waith yng Nghanolbarth Cymru.

Mae Ben Lake yn flin nad yw’r Llywodraeth wedi rhoi unrhyw fanylion am y Cytundeb a gafodd ei gyhoeddi ym mis Hydref y llynedd.

Y Canolbarth yw’r unig ran o Gymru sydd heb gytundeb o’r fath ar waith bellach.

Yn y cwestiynau i’r Prif Weinidog yn San Steffan ddoe, gofynnodd Ben Lake i Theresa May a fyddai’r Cytundeb Twf yn “dioddef yr un dynged” â Morlyn Llanw Abertawe a’r cynlluniau i drydaneiddio rheilffyrdd Cymru, gan godi’r cwestiwn a yw’r Llywodraeth o’r farn nad yw Cymru yn haeddu unrhyw fuddsoddiad.

‘Y rhanbarthau tlotaf

“Gorllewin Cymru a’r Cymoedd yw’r rhanbarthau tlotaf yng ngogledd Ewrop yn ôl ffigurau swyddogol Eurostat, ac eto mae Llywodraeth y Deyrnas Gyfunol yn parhau i dynnu nôl ar ei addewidion i fuddsoddi mewn isadeiledd hanfodol,” meddai Ben Lake.

“Mae’n gwbl hanfodol bod Llywodraeth y Deyrnas Gyfunol yn gwneud iawn am ddegawdau o ddiffyg buddsoddiad yn isadeiledd a sgiliau yng ngorllewin Cymru.

“Rhaid iddi roi ymrwymiad pendant i Gytundeb Twf Canolbarth Cymru os yw am fod yn llwyddiant, ac rwy’n croesawu’r cyfle i weithio gyda swyddogion ac ASau cyfagos er mwyn sicrhau ein bod, o’r diwedd, yn derbyn ein cyfran teg o’r buddsoddiad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed