Cynhadledd niwclear ryngwladol yng Nghaerdydd

 
Amlinell o adeilad yn erbyn tir agored

Logo’r cynllun

Llun: o wefan Horizon

Mae cynhadledd niwclear ryngwladol yn cael ei chynnal yng Nghaerdydd yr wythnos hon, y tro cynta’ erioed i’r digwyddiad ymweld â Chymru.

Mae ‘Cynhadledd Cadeiryddion y Pwll Niwclear’ yn digwydd bob tair blynedd ac yn cael ei chynnal yn draddodiadol yn Llundain.

Ond mae’r trefnwyr wedi penderfynu ei chynnal yng Nghymru eleni, gyda digwyddiadau’n cael eu cynnal yn y Celtic Manor ac Amgueddfa Genedlaethol Cymru, Caerdydd.

Mae’n cael ei threfnu gan y cwmni yswiriant, Nuclear Risks Insurers Ltd, sy’n gweithredu fel asiant o fewn y farchnad yswiriant ar gyfer popeth sy’n ymwneud ag yswiriant niwclear.

Ynni niwclear yn bwysig i Gymru

Yn ôl Dr Tim Stone, Cadeirydd Nuclear Risk Insurers Ltd, mi wnaethom nhw ddewis Cymru fel lleoliad wrth ystyried “pwysigrwydd ynni niwclear i’r economi yng Nghymru, a’i hanes ar draws y rhanbarth,” meddai.

“Mae cryfder sgiliau, gwybodaeth ac arloesi yng Nghymru yn hollbwysig, nid yn unig ar gyfer datblygiad y wlad, ond i ehangu’r sector yn fyd-eang,” meddai.

“Cyfleoedd economaidd enfawr”

Mae Ysgrifennydd yr Economi ym Mae Caerdydd, Ken Skates, wedi croesawu’r gynhadledd, gan ddweud ei fod yn cydnabod y “cyfleoedd economaidd enfawr” mae’r sector yn ei gynnig i Gymru.

“Dw i’n falch bod ein gwaith parhaus i greu capasiti a denu buddsoddiad yn cael ei gydnabod o fewn y diwydiant ac yn falch bod trefnwyr Cynhadledd Cadeiryddion y Pwll Niwclear wedi dewis Cymru fel eu lleoliad cyntaf y tu allan i Lundain,” meddai.

Fe ddechreuodd y gynhadledd ddydd Llun (Mehefin 18), ac mi fydd yn parhau tan ddiwedd yr wythnos.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones