Galw am gyflwyno trenau a bysus hydrogen yng Nghymru

Diweddarwyd am  
Un o drenau cwmni Keolis-Amey

Un o drenau cwmni Keolis-Amey

Llun: Llywodraeth Cymru

Wrth i’r cyfrifoldeb tros wasanaethau rheilffyrdd Cymru gael eu trosglwyddo i gwmnïau newydd, mi ddylai Llywodraeth Cymru fanteisio ar y cyfle i gyflwyno cerbydau gwyrdd.

Dyna yw un o argymhellion adroddiad newydd, sydd wedi’i lansio gan yr Aelod Cynulliad Plaid Cymru, Simon Thomas.

O fis Hydref ymlaen, mi fydd dau gwmni – Keolis ac Amey – yn gweithio ar y cyd i ddarparu gwasanaeth rheilffordd Cymru a’r Gororau, a Metro De Cymru.

Ac yn ôl adroddiad yr Aelod Cynulliad, mi ddylai Llywodraeth Cymru “ddefnyddio’r cyfle a gyflwynir … i wneud yr achos busnes trwy gyflwyno trenau – a bysiau – hydrogen yng Nghymru.”

Awyr “ffres”

Wrth lansio’r ddogfen, mae Simon Thomas wedi dweud bod yna “ddiffyg arweinyddiaeth” tros y mater yng Nghymru, a “gall Cymru unwaith eto” fod yn lleoliad i arloeswyr.

“Gallai Llywodraeth Cymru ddefnyddio’r cyfleoedd a roddir gan y fasnachfraint reilffyrdd newydd a’r Metros arfaethedig i gyflwyno trenau a bysus hydrogen yng Nghymru er mwyn sicrhau bod yr awyr a anadlwn yn ffres a heb fod yn llygru,” meddai.

Argymelliadau

  • Sefydlu tîm ag aelodau o brifysgolion â chynghorau Cymru i arwain y gad tros y mater
  • Dylai Llywodraeth Cymru annog cyrff preifat a chyhoeddus i ddatgarboneiddio
  • Dylai Llywodraeth Cymru ddatblygu “strategaeth gydlynol, amlsector” ar y mater

Manylion

Prosiect ymchwil yw’r adroddiad o’r enw ‘Potensial Hydrogen yn y Datgarboneiddio o Drafnidiaeth yng Nghymru’.

A chafodd yr ymchwil hwn ei ariannu â chyllid o’r Gronfa Polisi, Ymchwil a Chyfathrebu’r Cynulliad Cenedlaethol ar gyfer datblygu polisi.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?