Plaid Cymru’n “erfyn” am gefnogaeth Llafur mewn pleidlais allweddol

Diweddarwyd  
Hywel Williams

Hywel Williams

Llun: Plaid Cymru trwy NC ND CC 2.0

Mae Plaid Cymru yn “erfyn” ar Aelodau Seneddol Llafur i gefnogi newidiadau gan yr Arglwyddi i ddeddfwriaeth Brexit mewn pleidlais allweddol yn Nhy’r Cyffredin heno.

Mae  Tŷ’r Arglwyddi wedi cynnig gwelliant i’r Mesur Ymadael fel bod yna ymrwymiad i gadw’r Deyrnas Unedig yn yr Ardal Economaidd Ewropeaidd wedi Brexit.

Mi fyddai hyn yn golygu bod pob un o wledydd Prydain yn medru aros yn Farchnad Sengl.

Roedd cynnig yr arglwyddi yn llwyddiannus er gwaetha’ ymgais gan Jeremy Corbyn i chwipio arglwyddi Llafur i ymatal rhag pleidleisio tros y gwelliant.

Bellach mae’r Blaid Lafur wedi cynnig gwelliant newydd yn Nhy’r Cyffredin a allai “wanhau” cynnig yr arglwyddi, meddai Plaid Cymru, a daw apêl y cenedlaetholwyr yn sgil hyn.

“Gwrthwynebiad di-sail”

“Gan ein bod ni’n wlad sy’n allforio, mae’r Farchnad Sengl yn hanfodol i ddyfodol Cymru,” meddai llefarydd Brexit Plaid Cymru, yr Aelod Seneddol, Hywel Williams.

“Mae’n bwysig i’n dinasyddion, ein busnesau a’n ffermwyr. Dw i’n erfyn ar Aelodau Seneddol Llafur i roi’r gorau i wrthwynebu’r Farchnad Sengl – sy’n wrthwynebiad di-sail.”

“Mae gan Jeremy Corbyn ddewis: naill ai dynnu ei wellliant yn ôl a phleidleisio gyda Phlaid Cymru a newid cwrs Brexit er lles y wlad; neu gael ei gofio am byth fel yr arweinydd gwrthblaid a alluogodd y Torïaid i weithredu eu Brexit caled.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed