Eluned Morgan eisiau bod yn Brif Weinidog Cymru

Diweddarwyd am  
Eluned Morgan

Eluned Morgan

Llun: Cynulliad Cenedlaethol Cymru CC 2.0

Mae Gweinidog y Gymraeg, Eluned Morgan, wedi taflu ei het i’r cylch i olynu Carwyn Jones yn arweinydd Llafur Cymru.

Mae wedi gwneud y cyhoeddiad, er nad yw eto wedi sicrhau cefnogaeth Aelodau Cynulliad ym Mae Caerdydd.

Mewn cyfweliadau radio heddiw (dydd Mawrth, Mehefin 12), hi yw’r ymgeisydd sy’n “cynrychioli newid” yn yr etholiad i fod yn Brif Weinidog nesaf Cymru.

Mae’n dweud bod ganddi “lot fawr o brofiad” gwleidyddol y tu hwnt i’r Bae, a bod y profiad hwnnw yn dangos ei bod hi’n gallu “uniaethu” â phob lefel o lywodraeth.

Mae’n ychwanegu hefyd fod angen creu delwedd “newydd” i’r Blaid Lafur, gan fynd y “tu hwnt i’r Bae” a gwrando ar farn pobol Cymru.

Tri yn y ras

Eluned Morgan yw’r trydydd Aelod Cynulliad, a’r unig ddynes, i fynegi diddordeb mewn olynu arweinydd presennol Llafur Cymru, Carwyn Jones.

Mae Mark Drakeford a Vaughan Gething eisoes wedi cadarnhau eu bod nhw’n bwriadu sefyll am yr arweinyddiaeth, gyda’r ddau wedi sicrhau cefnogaeth gan Aelodau Cynulliad.

Mae angen enwebiadau gan bumpo aelod er mwyn sefyll, ond Mark Drakeford yw’r unig un sydd wedi sicrhau digon o gefnogaeth hyd yn hyn.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed