Wyth mlynedd o garchar i wraig am ladd ei gŵr

Diweddarwyd am  
Natasha Jex

Natasha Jex, sydd wedi’i charcharu am ladd ei gwr, Neal Jex yn eu cartref yn Aberdar

Llun: Heddlu De Cymru

Mae gwraig o dde Cymru, a drywanodd ei gŵr yn dilyn ffrae feddwol wythnos cyn y Nadolig, wedi’i dedfrydu i wyth mlynedd o garchar.

Roedd Natasha Jex, 32 oed, wedi defnyddio cyllell gegin i drywanu ei gŵr, Neal, yn eu cartref yn ardal Penywaun, Aberdâr, ar Ragfyr 17 y llynedd.

Fe glywodd Llys y Goron Abertawe fod y pâr, a oedd yn briod ers 2011, wedi cychwyn ffraeo wrth deithio yn y car, gyda’r ffrae yn parhau yn y cartre’.

Yn ôl Natasha Jex, a ddywedodd wrth seicolegydd nad oedd ganddi unrhyw gof am y digwyddiad, roedd hi wedi mynd i’r gegin a chymryd cyllell cyn trywanu ei gŵr yn ei fron.

Er iddi alw’r gwasanaethau brys yn syth wedi’r digwyddiad, bu farw Neal Jex yn y fan a’r lle.

Roedd hi wedi pledio’n euog i gyhuddiad o ddynladdiad.

“Trasiedi”

Mewn datganiad ar ran yr amddiffyniad, fe ddywedodd Christopher Quinlan QC fod yr achos hwn yn “drasiedi”, a hynny i deulu Neal Jex a’i wraig, Natasha.

Mi ychwanegodd nad oedd Natasha Jex, sy’n fam i ferch 14 oed, wedi lladd ei gŵr yn fwriadol, a’i bod wedi cyfaddef y cyfan i’r awdurdodau ar unwaith.

Mi ddywedodd y barnwr hefyd nad oedd yn ystyried Natasha Jex yn ddynes “beryglus”, a’i fod yn derbyn y ffaith ei bod yn “wirioneddol ddifaru” cyflawni’r weithred.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?